Ndawi 19:9 - Ala Wone Peenok Peebi Mbanak

⁹ Aap Kaliku ALA inagabiti mbakwi nogo ti, Kikak naka'lek abu obeelom aret me, Mondok-mondok aret logogin o. Alik eekwi niinok Kaliku ALA nen Onggo eeppinaniyak kawone yugu nogo ti, Ndak-ndak eeppinaniyak nduk wonage, A'me lik togon eeppinaniyak nduk wonage, Eeke menggerak.

Ndawi 19:9 ပူးပေါင်းရင်းမြစ်များ

Wakkagagerak 22:12

Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Wakkagagerak 42:18

Nogome keele maarogo mambiyareegerak nogo mbere yippunuk, ko'lu paga at Yutup nen it nogo yorage logonet, “An togon Ala nagabiti mbake minggirak me, kineenik op logorak nduk, yogop ee'nip o.

1 Endagembogut 18:12

yori nage neegak, Aliku ALA Aberiniki nen kat wokkeren o an neenggo'lek me pagi namenggerak wonage keegak, aap Akap pekkeya wage logomenggerik, keebe lek keenok, an noorigin aret o. Nooriyak aret kwe, an kayeloman yi, wulaga mbuuluk paga nen aret Aliku ALA mugurok nage minggirak me, op aret o.

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Ndawi 10:5

It eerit nugwi nogo abe mban arit nage, “Nit iya,” mbako logonet, kat wone lengganogo yo'nirage nogo, Abu kobak eeppunuk wonogwe, Inom ogoorak wonogwe nogo mbelappiigwi, Eeko menggaarak.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 115:13

It aap Aliku ALA inagabiti mbakwi Inendage warak inom, inendage lek inom, Abok aret ale'nggen inoba piige, Eeke logogin o.

Ndawi 119:1

It maluk inoba lenggenak lek logonet eerit nugwi, Aliku ALA wone Muta liiru mbaneegerak nogo mugurok nogwe, Eeko menggaarak kenok, inale'nggen aret mbakwi,

Ndawi 119:106

“A'me nggelok eeko logorak koone yugu nogo An porogo logonet eerit nage logokit o,” yinuk, Kumbuk mbaneegirak me, ndak-ndak eerit nage agarik o.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:142

Kat obeelom mban eerit nage menggendak nogo ti, Lek ageelik mondok-mondok aret wonage, Koone yugu Muta nen liiru mbaneegerak nogo ti, Abet aret wonage, Eerak aret menggerak o.

Ndawi 119:39

Eekaatak ndak-ndak eeppiigo logorak koone yugu nogo Obeelom aret me, an meek eerogo panugwi paga Nagabiti mbake nogo mbo pege, Eeru o.

Ndawi 119:62

Kat a'me nggelok eeppiigo logorak wone Yereegindak paga, “Wa,” yokkirikit nduk, O nogo iniki mbere eeke paga neenik age minggirak o.

Ndawi 119:7

A'me nggelok eeko logorak koone yugu nogo An mamunggolage logonet, niniki koonak paga, “Wa,” lombok yokkege logogin o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 12:7

It aap maluk eeka iniki worokot linik nugwi, Yi o ndi o maluk eeriyak mban tiyappit nugwi, Eekwi kwe, Kaliku ALA wae. Aap yogondak ninom wonogwe yi nen alik eeppinanukwak, Kat mondok-mondok ninarum logomunggun o.

Ndawi 147:19

At oone nogo Yakup yoge, At wone lengganak inom, eeko logorak wone inom, Iterali yoge,

Ndawi 36:1

It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Ndawi 36:6

Kat abu obeelom mban menggendak ti, Puut-puut abu tiyanak kwak wonage, Eekaatak a'me nggelok eeppiige menggendak ti, Yi nggwok yenggenak laut alobok ambik kwak wonage, Eeke menggerak. Aakumi inom, wam inanebunu abok aret inom, Kaliku ALA nen ndegeninake menggendak o.

Wundeegwaarak 21:1

Yoge nagagerik, wone ambinom Muta yoge logonet, “It Iterali nen eeko logorak wone lengganogo yora noorak yi aret o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetaya 26:8

Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Nappiigak 10:22

Yorage mbareegi, it nogo nen, “Lek o. Aap yigin unde inowe Koreneliyut nogo nen nappinani waga o. At nogo iniki abe koonak Ala agabiti mbaka kenok, it Yakuri mendek abok aret wogoppugwi me, Ala ake leenak malayikat ambi wage nagaarik, at Koreneliyut yoge logonet, Peterut nen wone yokkiri woraawak nduk, yonggo nappiyet o, yoge mbaki, yonggo nappinani wagaarak mukkeren wogo o,” yinuk,

Oroma 11:22

At Ala iniki yanggonak paga eeppiige, anini paga eeppiige, eeke menggerak nogo liippinip o. Aakumi maluk eekwi iinok, anini inoba piige menggerak kwe, “Ala iniki yanggonak paga eeppinanege me, at yo'nege kenok mban eerit nage logokit o,” yinuk, eerit nogwe kiinok perak, at yanggorogon aret eeppinagage logogin o. Ndi, lek kenok, kit togon Ala nen pendenogo nappinagagin aret o.

Oroma 2:2

At Ala ti, aakumi maluk togop eekwi iinok, liirogombo aret maluk onggo eeppiige menggerak nineenu aret o.

Pelaareegerak 4:8

Ndi, an nen wone lengganak inom, eeko logorak wone inom, a'me aret nggelok ari menggerak kit unde wonogwe nogo, an yogondak kin eerogo mamunggirage yi kokwak, it inanebunu nggwok ngge nen wone togop ambi unde agaarik mbakop? Lek aret o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 19:2

Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,

1 Tamuwen 12:24

kit nen Aliku ALA kinagabiti mbako logonet, kiniki-kineebe abok aret Aliku ALA wogo'nuk, at mban kulinik-kalinik liirogon mugurok nogwe, ndi, at nen yi eekak ndi eekak kit kinake iya tit eeppinagage nagagerak nogo abekwi, eeko logonip o.