Ndawi 19:8 - Ala Wone Peenok Peebi Mbanak

⁸ Kaliku ALA nen eeko logorak wone yo'nirage nogo ti, A'me nggelok mban age menggerak me, Aakumi inale'nggen mbaruwak nduk eeppiige, Kaliku ALA kawone, “Yogop ee'nu ndogop ee'nu,” yugu nogo Tabarak lek kin paga wonage me, Aakumi iniki eya eerogo piige, Eeke menggerak o.

Ndawi 19:8 ပူးပေါင်းရင်းမြစ်များ

2 Endagembogut 17:37

Wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, Yogop ee'nu ndogop ee'nu, yugu inom, liiru mbanogo wokkiragagirak nogo liirogon porogo logonet, eerit nogo logonip o. Ndi, an nobaane'me kugi alut eeriyak perak, mondok mage o.

Nekemiya 8:12

Ndi, it aakumi wone yorogogwaarak nogo abu liippunuk, waganeegwaarak me, iniki ale'nggen nen mbi nunggwi, yi nunggwi, eeko logonet, ando it aakumi ineenggi lek kenok, tumburirogo logowak nduk, iname nogogwaarak.

Nekemiya 9:13

Kat puut Tinayi paga wambi wage nagagindik, puut irimbaga tiyarogon nen wone yorage logonet, eekwi ndak-ndak eeppiigo logorak wone yugu inom, abe a'me nggelok mban eeko logorak wone inom, wone lengganak inom, Yogop ee'nu ndogop ee'nu, wone yugu inom, abok aret li'lak eerogo wogoragagindak o.

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 111:7

At eenggi paga eerit nage nogo Abe liirogon mban eeke, a'me nggelok mban eeke, Eeke menggerak. Eeko logorak wone yugu nogo, “Eerigin aret o,” Yinuk, iniki panggombunuk logorak op aret o.

Ndawi 119:105

Niyok pit nage neegak ndi wuninogo panega, Nage neegak, tu eya eerogo panega, Nogo ti, kat koone aret o.

Ndawi 119:12

Kaliku ALA wae. Kendage mondok tiyanak logowak o. Koone lengganak nogo an mamunnake logot o.

Ndawi 119:121

An abu obeelom a'me nggelok mban Eerit nage minggirak me, It an tebenogo panegak mban eekwi nogo Ineenggi me paniyak mage o.

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:130

Koone ari menggendak waganggwi iinok, Inikime eya eerogo piige, It iniki yuundurak nogo ineenu eeppiige, Eeke menggerak o.

Ndawi 119:14

Aap eenggi warak age kenok ale'nggen mbake menggi kwak, Aberak logorak koone yugu nogo An mugurok nage logonet, nale'nggen mbake,

Ndawi 119:143

An aaninggin-paaninggin noba kwi'nage, “Nonggop eekkoloobok,” eerogo panege, Eeke kagak kwe, Koone, “Yogop ee'nu ndogop ee'nu,” yugu nogo Ti mban ninikilom mbake minggirak o.

Ndawi 119:16

Koone lengganak nogo ninikilom mbake, Eeke minggirak me, An nen kat koone kobak eerogo pigin lek o.

Ndawi 119:171

Koone lengganak nogo kat mamunnake menggendak me, Noone paga kat tiyappagagak mban eeke,

Ndawi 119:24

Koone aberak logorak yugu nogo ti, Eeriyak wone koonogo panega aret me, Ninikilom mbake logogin o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 119:54

An ya agak nda agak nogo yit nage logonet, Koone lengganak nogo aret ndawi pit nage minggirak.

Ndawi 119:80

Koone lengganak nogo eeka'lek neenok, “Iniki mbere nen agan nege,” nombakwi paga An nenggali arukwak, Niniki ambit eeppunuk, eeke logokit o.

Ndawi 119:92

Koone Muta nen liiru mbaneegerak nogo Ninikilom mbake logonetak lek en, Maluk noba age logonet, neebe lek eerogo paninetak o.

Ndawi 12:6

Nggween nggabok worako menggam Mbuti perak leennaruwak nduk, ne 7 worappunuk, Abu obeelom age kogo mengga kwak, Kaliku ALA koone ari menggendak nogo Mbeyok ariilik, a'me lik togon aret age menggerak o

Ndawi 13:3

Kaliku nogoba Ala wae. Kenegen liippanege, Wone yokkege yi, karuk konembunuk, onggo yo'nege, Eeru o. Eya eerogo panega'lek keegak, kangge neenok, It ninom wim mbanak nen, “Abu aret tebenogo pogo o,” yinuk, yogwe, Ndi, an ngginnari nage neenok, Ninom ogoorak nen inale'nggen lombok mbakwi, Eekwi iyo, Nenegen eya eerogo panege logot o.

Ndawi 93:5

Kaliku ALA wae. Eeko logorak kawone yugu ti, mondok nu'lek wonage, Kawi wurik ti, abu abe alik leenak wonage, Eerak kagak, O ambik me ari nage logogin o.

Wundeegwaarak 18:16

ne ambi paga it inenggela'me nen wone ambi inoba agaatak wonok nowagam wogwe iinok, inawone koonogo piige, Ala nen yoragagerak wone lengganak inom, ndi, eeko logorak wone yugu inom, yorage, eeke minggirak o.”

Kini Wuppiige 30:5

Ala yegetak ambiriluk ambi alik ageelik a'me aret age menggerak. It at abu'me ari unggwogwe iinok, inanggeemu kwak mulunogo piige menggerak.

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Yetaya 64:5

It aap obeelom eeriyak inikilom mbakwi, Ndi, kat eeke menggendak nogo abeppunuk eekwi, Eekwi iinok, Yeenggwaara wage menggendak kwe, Koone taganogo mbo pugwi niinok perak, kanini ninombake nagagindak o. Togop eekwi niinok, nit nonggop togon yeenggwa niroorak? Lek aret o!

Yeremiya 15:16

Komaawi Lombok Menggendak Kaliku Ala wae. An paga kendage wiganit nege me, koone ari konengge nagarik, abu liirogon waganggirak paga Ninikime mondok lik yi unggwage logonet, nale'nggen nggwok ee'nabit unggwage, eeriyak ninikilom mbake, Eekirak o.

Yetikiyen 36:27

An nen Naberiniki inikime mambiige, wone lengganogo yorage minggirak nogo mugurok nawak nduk, eeppiige, ndi, eeko logorak noone yugu nogo liippunuk eeko logowak nduk, eerogo piige, eerigin o.

Oroma 3:20

Togop me, Ala nen wone lengganogo Muta yoreegerak eekwi paga Ala nen, “Kat aap obeelom aret o,” yinuk, yigin lek aret. Ata, “An maluk eeke minggirak aret kagi,” yinuk, yelok kogo logowak nduk, lengganogo Muta yoreegerak o.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

Oroma 7:7

Ti kenok, nit wone nonggop yuwok mbakop? Ala wone yugu Muta liiru mbaneegerak nogo ti, maluk aret mbakop? Mondok lek o. Wone Muta yo'netak lek en, an maluk eeke minggirak neenu a'netak lek o. Wone yugu ti paga nen, “Uugwe-uugwe eerugup o,” yenetak lek nen, an uugwe-uugwe mbake ti, neenu a'netak lek o.

Nggalatiya 2:19

wone Muta yoreegerak kagak alik eereegirak paga noorogo paneegerak kambeegirak negen me, yogondak, “Yogop ee'nu, ndogop ee'nu,” yo'nege nogo, an koneniyak mondok meek o. An Ala ake mban neenik agarik o.

Nggalatiya 3:21

Togop kenok, wone Muta yoreegerak inom, ndi, Abarakam abok yoreegerak wone inom, ti alom alitak mbakop? Mondok lek o, noreewi. Nit nineenik logorak nduk, wone yugu alom alik ambi logonetak en, wone ti woppunuk eekwi paga Ala nen, “Aap yi, iniki abe koonak aret o,” yinuk, yo'nirage logonetak kwe,

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Pelaareegerak 16:14

Lako logonet, kit inom, kinapuri wologwe-komologwe inom, kinayeloman mini kumi-aap inom, aap Lewi mendek inom, aap nggiru inom, elege moono inom, kumi nanu kinawi kota kinom logogun nogo inom, abok aret kiniki ale'nggen paga laago ti lako logomunggup o.