Ndawi 19:13 - Ala Wone Peenok Peebi Mbanak

¹³ Ndi, “Maluk eerikit,” mba'nuk eeke neyo, kat unde wo'nake, Maluk nogo nen, “Maluk mban eeru o,” yo'nege kero, narum wonage, Eeke logot o. Togop eeke keenok, maluk ambi noba lenggenak kagak nage, Ndi, maluk nggwok ambi eeke, Eerigin lek Ugun aret logogin o.

Ndawi 19:13 ပူးပေါင်းရင်းမြစ်များ

Wakkagagerak 20:6

Togop ari mbareegi, at Ala nen abi paga wone nogo yoge logonet, “Abet aret yagan o. It yagaarak ti, Yi abet aret yaga, yinuk, kiniki abe paga eekendak keege nagarik, an nenegen neegak kwe ti pigagangge paga, maluk eeke keyo nduk, an nen non mbambagage wonagarak o.

Ayup 34:32

Ndi, An maluk porogo wonage neyo yo'niru o. Yo'nege kenok, an maluk ambinom eerigin lek o, yinuk, ari,

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 119:133

Yi maluk ndi maluk abok aret eeriyak Ee'nake logonet, tebenogo panukwak, Kat eeppaniyak koonogo pereegindak nogome mban Niyok pit nage logokit nduk, nu'lek eeppanege,

Ndawi 18:23

An maluk eeka'lek neyaawak nduk eeke, An maluk eerit nookwak, narum wakkolage, Eeke minggirak me,

Ndawi 7:10

An nanggeemu kwak ti, Ala aret me, It iniki koonak menggaarak nogo Inagap ndake menggerak o.

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Wundeegwaarak 21:14

Ndi, aap ambi nen aap ambi, Warikit o, yinuk, iniki koombunuk waremenggerak kangge kenok, An nookwi iyo, yinuk, kole mbaganit an nake warogo kani kunggo menggam time ari namenggerak kagak kwe, nggiginogo wumbunuk, kambuwak nduk, mondok warogo puwak o.

Ala Unde 4:13

Ndi, Naliku ALA nen, Yogop eeriyak mage, ndogop eeriyak mage, yoragagirak nogo it aakumi Iterali wonogwe abok aret nen ineenggo'lek logonet eekwi iinok ti, maluk aret eeremenggaarak me,

Ala Unde 4:2

“Naliku ALA nen, Yogop eeriyak mage, ndogop eeriyak mage, yoragagirak nogo it Iterali ambi nen ineenggo'lek logonet, maluk eekwi iinok, eeko logorak wone it aakumi Iterali yoroorak nogo yi aret o.

Ala Unde 4:22

Ndi, aap inowe wone koongga ambi nen Naliku ogoba Ala an nogo nen, Yogop eeriyak mage, ndogop eeriyak mage, yoragagirak nogo eenggo'lek logonet, eeke kenok ti, maluk aret me,

Ala Unde 4:27

Ndi, Naliku ALA nen, Yogop eeriyak mage, ndogop eeriyak mage, yoragagirak nogo aap ambi we ugun mendek nen eenggo'lek logonet eeke kenok ti, maluk aret me,

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.

1 Tamuwen 25:39

At Naban kambeegerak nogo Ndawut aruk konengge nagagerik, ari logonet, “At Naban nen miyuk-meya eerogo panege mbaki, warikit nduk, eeke neegak, Aliku ALA nen pi'nake nagaarik, naana'le mbangge logonet, at maluk eeppanegerak nogo onggo iniki nen aret wakkolaawak nduk, eeppegerak me, at Aliku ALA endage tiyappege agarik o,” yereegerak. Ari nagagerik, at Ndawut nogo nen kwe Abigayin kolaakit nduk ayeloman mini yonggo nappiyareegerak.