Ndawi 19:10 - Ala Wone Peenok Peebi Mbanak

¹⁰ Mbuti emas onggo iya kenok kwaarit nugwi, Abinak pindan-pindan eeke kenok iniki kunik eekwi, Eeko menggaarak ti, iya kwe, Kaliku ALA kawone yugu nogo perak, Mondok iya lombok aret agaarik o. Ndi, nggiin amburu ombat abe kogwe, Nggiin pugunik me nen amburu puk wanggak eeke nogo ombat tele kogwe, Eekwi ti iya negen kwe, Ti kunduk meek o. Kaliku ALA kawone yugu nogo ti, Ombat abu abe mondok alik lombok agaarik o.

Ndawi 19:10 ပူးပေါင်းရင်းမြစ်များ

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ndawi 119:103

Nggiin amburu ombat abe negen kage kwe, Wone koonogo pereegindak ti perak, Ombat tele lombok kage minggirak o.

Ndawi 119:127

Togop me, mbuti emas inom, Mbuti emas at mendek mban inom, ti, Niniki kundugu negen kwe, “Yogop ee'nu ndogop ee'nu,” koone yugu ti perak, Niniki kundugu lombok wonage,

Ndawi 119:72

Mbuti perak inom, mbuti emas inom, ambik lombok me, lingginiyak meek ti, Niniki kundugu lek negen aret kwe, Koone wumbereegindak Muta nen liiru mbaneegerak perak, Niniki kundugu lombok minggirak o.

Ndawi 63:5

Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Kini Wuppiige 16:16

Mbuti perak waganggwi ti, op negen kwe, yi wone ndi wone alom ineenu ariyak ti perak, iya o. Mbuti emas waganggwi ti, op negen kwe, iniki warak ariyak ti, iya lombok o!

Kini Wuppiige 24:13

Napuluk yi wae. Nggiin amburu ti, obeelom aret me, nengge logot o. Nggiin tap mbanak me amburu wonage nogo ti, ombat abe kage menggendak kwak,

Kini Wuppiige 8:19

Mbuti emas at mendek mban ti, iya negen kwe, An paga nen woorak perak, iya lombok wonage, Mbuti perak abu abe ti, onggo iya tit kwe, An eerit nage paga koloorak ti perak, mondok iya lombok wonage, Eeke menggerak o.

Wayu 10:10

Yo'nege mbaki, mbuku malayikat eenggime wonage nogo waganogo nengge neegak, nambe paga nggiin amburu negen ombat abe kagarak kwe, naanagale paga perak, alembere agan nage kagarak o.