Ndawi 18:9 - Ala Wone Peenok Peebi Mbanak

⁹ Mbogut oolo nggagambunuk wambi wage, Ndugwi yumaak enggela'me iyok wuppi wa'nuk wage,

Ndawi 18:9 ပူးပေါင်းရင်းမြစ်များ

2 Tamuwen 22:10

Mbogut oolo nggagambunuk wambi wage, Ndugwi yumaak enggela'me iyok wuppi wa'nuk wage,

Ndawi 50:3

Ninogoba Ala woraagin me, we woraagin lek o. Wage kagak, kani aa'nduk a'nuk, Yi mendek ndi mendek nenet wage, At enaagan-ambokan o wiya nabuninuk wage, Eerigin o.

Ndawi 68:4

At Ala aruk konenuwak nduk ndawi wakwi, Ndawi paga anep tenok-mbenok yogwe, At ndugwi paga nega nogo endage wogoppugwi, Eeko logonip o. At endage ti, Aliku ALA aret me, Enggaanom paga kinale'nggen nen kwirabik-kwirabok yogo logonip o.

Ndawi 97:3

At awo nage kagak, Kani omoonuk wunuk togon aa'nduk nage logonet, At awim enaagan-ambokan wanggerak wonogwe nogo, Lek eerogo piinet nage,

Wundeegwaarak 19:18

at Aliku ALA nogo kani omoonuk wunuk ari enggela'me puut Tinayi nogo paga wambi wage mbareegi, puut nogo paga yugum yugu ka'luk negen yonggo-ndonggo lagangge logonet, puut nogo paga ka'luk penggaarogo pege, puut nogo na'ndo-wa'ndo eeke,

Yetaya 51:6

Kina mbogut nikkogwe, kinigen nggween pekkogwe, Ee'nip o. Ka'luk lek age menggi kwak mbogut lek age, Yum yiko logonet nibik ari menggi kwak, nggween yi togop aret age, Eeke kenok, It aakumi nggween paga wonogwe nogo laami ne ambit liingge kanggo mengga kwak kambit nagun kwe, An kinagap ndake neenok, kinagap ndarak mondok-mondok wonogwe, Ndi, obeelom eerogo pinagage neenok, mondok obeelom aago aret wonogwe, Eeko logomunggup o.

Yetaya 66:15

Aliku ALA kani wunuk ari enggela'me wage, O wiya nabuninuk wage menggi kwak at anggweendo paga wage, Eerigin, mbako logonip o. Anini inoba piinet nage logonet, mondok wuk togon aret inoba piinet nage, Ndi, mberirenet nage logonet, kani wunuk agan nage menggi kwak agan nage, Eeke logogin o.

Yowen 3:16

Aliku ALA abuut Tiyon paga nen singa oone nggwok ari menggi kwak oone nggwok ari, O ngguurubu eeke menggi kwak o Yerutalem nen oone ari, Eeke kenok, Mbogut-nggween na'ndo-wa'ndo eerigin kwe, At Aliku ALA perak, apuri nobarogo piinok wonage, It Iterali mendek yugum pak negen wurogo piinok wonage, Eerigin o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Marakut 15:33

Enggali wappogo mbareegwa, o liingge oonegen 12 kuli paga nen nok, oonegen 3 kuli ari nage kagak, yi awi ndi awi time o apit aago wonagagerak.

Yaya 13:7

Yoge mbareegi, at Yetut nen, “Wulaga wae. An yogondak eeke yi, kat keenggo'lek aret kwe, peebi perak, keenu arumunggun o.”

Pelaareegerak 33:26

Ti'nuk, wone ambinom yoge, “Kit aakumi Yetiyurun mendek yi wae. Kit kinogoba Ala kokwak ambi wonage lek o. At nen yeenggwa kiraawak nduk, mbogut paga nen at aa'nduk ari wage, Ndugwi abinak lan ee'nuk wage, Eeke menggerak me,

Iberani 12:26

Ti eyom paga yorage logonet, o nggween yi nogo, na'ndo-wa'ndo eereegerak kwe, yogondak perak, peebi ambi eeriyak ari logonet, “An ne ambi paga nggween yi mban na'ndo-wa'ndo eerigin lek o. Ata, mbogut inom togop aret eeke neyaamunggup o,” yinuk, yo'niragagerak.

2 Peterut 3:10

At ninowe woroorak nogo ti, “Ne ti eyom woraagin,” mbaka'lek kiigak, aap yogoot wagangga nogo pogom abera'lek me woraagin o. Ndi, wage kenok, mbogut yi, telangge logonet lek age, tut-laaluguragan mbogut paga menggerak inom, nggween yi inom, nggween paga wonogwe inom, abok aret kani nenet nage, eeke kaamunggup o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.