Ndawi 18:6 - Ala Wone Peenok Peebi Mbanak

⁶ Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 18:6 ပူးပေါင်းရင်းမြစ်များ

2 Tamuwen 22:7

Eeppanit wage paga aaninggin noba wonage logonet, Aliku ALA noone nggwok paga yoge, Nogoba Ala yeenggwa niru o, yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

2 Mbinineegwaarak 30:27

Lako nogogwaarik, it Ala unde inom, Lewi mendek inom, inale'nggen aakumi inoba piigo logonet, inake tamban eereegwaarak nogo at Ala leenogo pateegim o mbogut paga wonage logonet, aruk koneneegerak.

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 120:1

An aaninggin noba age kenok, Noone nggwok paga Aliku ALA yoge neenok, At nen yeenggwa nege menggerak o.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 5:7

Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 55:5

Niniki ma'nage logonet, naganak wake, Nagabiti ee'nabit unggwage logonet, neeri-nagabolo kangge, Eeke agaarik o.

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.

Marakut 14:36

“Ai, nogoba. Kat yi mendek ndi mendek abok eeriyak op mban me, ee'naburak amburu toolak an porogo wonage yi, wamen o. An niniki mbake eerigin ti lek o. Kat kiniki mbake aret eeriyak o,” yinuk, tamban eereegerak.

Nappiigak 12:5

At Peterut nogo keele maarogo mambiigo menggam nogome arum wonogwe iigak kwe, it Ala apuri kuwak eerit nogwe nogo nen, “Abet aret wundi woraagin,” mba'nuk, at ake tamban mban eeko nogogwaarak.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.