Ndawi 18:43 - Ala Wone Peenok Peebi Mbanak

⁴³ Aakumi nen an nooriyak wogwe me nagap ndake, Yi aakumi ndi aakumi inowe logorak unde eeppanege, Eeke keegak, Aakumi neenggo'lek mendek nabu'me ari wogwe,

Ndawi 18:43 ပူးပေါင်းရင်းမြစ်များ

2 Tamuwen 19:9

Iterali ineegin warak mbaganit iname lombok nogogwaarak nogo inanebunu abok aret it mban-mban wone wako logonet, “Aap ninowe endagembogut Ndawut nogo ninawim ineenggime nen ndinninake, it aakumi Pilitin mendek ineenggime nen ninagap ndake, eereegerak kwe, at Abatalom paga o yime nen nit mbo pinaninuk mbagangge,

2 Tamuwen 3:1

Ndawut owe-awot inom, Tawun owe-awot inom, inom ogoo'na'nuk, wim nggaganggak mban eeko logonet, at Ndawut awuri inom ineegin tiyak ari, ndi, Tawun awuri inom ineegin tebek ari, eeko nogogwaarak.

Ndawi 108:9

O Mowap ti, an niyok kookak aret age, O Erom at unde eekkoligi, mbaruwak nduk, Niyogogut nggoorogo nappege, It Pilitin wonogo menggam tebenogo punuk, neegin tiyak yigi o, yinuk, kuum-keek ari, Eeke agarik o,” Yinuk, yereegindak o.

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 52:15

Ti ndak-ndak at eerit namenggerak paga yi aakumi ndi aakumi abok aret, Iya, yinuk, pi wakwi, Ndi, yi aap ndi aap inendagembogut kunduk, at eeke inigen kenok, inoone-inambe ambi yaga'lek puk aret ogwe, Eerugun o. Yoraga'lek nogo eeke inigen kogwe, Ndi, inaruk konengga'lek nogo, konembunuk ineenu ogwe, Eerugun me, Inoone ambi yaga'lek puk aret logogun o,” yinuk, yegerak o.

Yetaya 55:5

Aakumi nen, Wi! irogo logowak nduk, an Kikak Nakeelik Nalik Leenak Iterali inogoba Naliku Ala nen tiyappiyareegirak me, An napuri aakumi inanebunu it ineenggo'lek mendek wiirogwe iinok, Yi aakumi ndi aakumi ineebe ineenggo'lek kwe kagak mbe agan iya woraagun o,” yinuk, yegerak me, yokkiragi o.

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Oroma 15:18

An wone alik ambi yokkiraagin lek o. Ata, Keritut nen yo'nege kagak, it aap endekem mendek Ala wone abet mba'nuk, waawak nduk, Ala wone yorage, inenggela'me eerit nage,

Oroma 16:26

Maan wone kiraarak wonagagerak kwe, yogondak at eenik itok menggerak Ala nogo nen yorage kagak, yoraga nen liiru mbanggo nogogwaarak paga, yi aakumi ndi aakumi abok aret iniki abet mba'nuk waganggo logomenggaarik, liirogon eerit nogo logowak nduk, pagak yereegerak me, yokkirage agarik o.

Epetut 1:22

Yi kugi ndi kugi inom, yi aakumi ndi aakumi inom, yi mendek ndi mendek abok aret at abu'me piinok, nit Ala apuri yi awi ndi awi kuwak eerit nogo monggoorak nogo lambuk togon ninanobak kwak ninowe tiyanak logowak nduk, mippereegerak.

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.