Ndawi 18:31 - Ala Wone Peenok Peebi Mbanak

³¹ Kaliku ALA wonage keegak, Ala alik ambi ta wonage o? Yugum nu'lek menggi kwak, Kat ninogoba Ala aret wonage keegak, Alik ambi wonage mbakop? Lek aret me,

Ndawi 18:31 ပူးပေါင်းရင်းမြစ်များ

2 Tamuwen 22:32

Kaliku ALA wonage keegak, Ala alik ambi ta wonage o? Yugum nu'lek menggi kwak, Kat ninogoba Ala aret wonage keegak, Alik ambi wonage mbakop? Lek aret me,

Ndawi 12:7

It aap maluk eeka iniki worokot linik nugwi, Yi o ndi o maluk eeriyak mban tiyappit nugwi, Eekwi kwe, Kaliku ALA wae. Aap yogondak ninom wonogwe yi nen alik eeppinanukwak, Kat mondok-mondok ninarum logomunggun o.

Ndawi 86:8

Nogoba o. Yi kugi ndi kugi inenggela'me kat Ala kokwak ambi wonage lek aret o. Kat eerit nage kwak, it ambi nen eeka'lek aret o.

Kini Wuppiige 30:5

Ala yegetak ambiriluk ambi alik ageelik a'me aret age menggerak. It at abu'me ari unggwogwe iinok, inanggeemu kwak mulunogo piige menggerak.

Yetaya 45:5

Naliku ALA an aret me, an kokwak Ala alik ambi wonage lek aret o. An wonage neegak, Ala alik ambi wonage mondok lek o. Oonegen lagi wage menggim pa'nggwe nen nok, Oonegen kilu yi nage menggim pa'nggwe Naliku ALA nalik aret minggirak it aakumi abok aret ineenu aruwak nduk, Kat an Ala neebe liippanega'lek keegak kwe, keegin-komaale li'luk eerogo pagagin o. Naliku ALA an aret me, an kwak Ala alik ambi wonage lek aret o.

Yetikiyen 18:29

Togop kwe, it Iterali mendek nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yinuk, yogwe iigi o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It Iterali mendek mban iniki kwaakkolaawak o!

Pelaareegerak 32:31

Togop aret eeppinanit nogo logogun kwe, Yugum Nu'lek Menggi kwak, nit at paga panggonak wonogwe nogo kwak, It kunduk togop panggonak wonogwe lek ineenu agaarik o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.

1 Tamuwen 2:2

Yugum kole itok menggi kwak, Ninogoba Ala kat togop aret wonage menggendak o. Kaliku ALA kikak nakeelik abu obeelom wonage kwak, Togop ambi wonage lek o. Kat wonage menggendak kwak, ambi wonage lek mban.