Ndawi 18:29 - Ala Wone Peenok Peebi Mbanak

²⁹ Yeenggwa nege keegak, Aap awuri ambi aago ninom nagabiti lek namburi nage, Kat nogoba Ala nimbirak me, Pak wurik obaga mbo wungge, Eeriyak op aret o.

Ndawi 18:29 ပူးပေါင်းရင်းမြစ်များ

2 Tamuwen 22:30

Yeenggwa nege keegak, Aap awuri ambi aago ninom nagabiti lek namburi nage, Kat nogoba Ala nimbirak me, Pak wurik obaga mbo wungge, Eeriyak op aret o.

2 Tamuwen 5:25

Yoge mbareegi, at Aliku ALA nen Ndawut yoreegerak nogo ndak-ndak aret eeke logonet, it aap Pilitin mendek nogo inoorit o Nggeba nen nok, o Nggetet kuli piya nagagerak.

Ayup 29:3

At andi wuninik nenggaawak paga eya eerogo panege, O apit aagome nage neegak, naru eya eerogo panege, Eeke nagagerak o.

Ndawi 144:1

Wim namburiyak mamunnake, Nawim ninom perenggoloorak ena koonogo panege, Eeke menggerak nayugum lunik kwak At Aliku ALA aret me, tiyappege agarik o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.

Kolote 2:15

Ti eereegerak nogo ti, it wim nambuppunuk, “Nit nineegin tiyak yigi o,” yinuk, “Wi!” iraawak nduk, aakumi ineebe kugun wogoren wogo mengga kwak, at Keritut nen, “An neegin tiyak yegerak neyaawak o,” yinuk, at Tile inom, at awuri yi kugi ndi kugi inom, abok aret inomaawi lek eerogo piinok, inenggali aruwak nduk, ineebe nggwok paga o oolo yayi wogoren nege nagagerak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

1 Tamuwen 17:49

yugum anggen ayumogina yonggolak nogo kilirogo eenggime wagangge nagagerik, yugum nogo keele paga nggelembunuk, nombok-kombok eerogo nappege nagagerik, aap Pilitin mendek nogo enggaawak telak togon wareegerak yugum nogo lobok yi unggwage mbareegi, enete wanduk nggween paga ngginnagagerak.

1 Tamuwen 23:2

Yoge mbareegi, at Ndawut nen at Aliku ALA yoge logonet, “An aap Pilitin mendek ninom wim namburi noorak op ilik, lek a?” Yoge mbareegi, at Aliku ALA nen wone onggo yoge, “E o. Aakumi Kekila mendek inagap nda'nok nduk, it Pilitin mendek ti, kinom namburi nak o,” yoreegerak.

1 Tamuwen 30:8

Ndawut nen Aliku ALA yoge, “It aap a'nggan wogonaka nen ninakuwi-ninapuri wogoren nagaarak nogo ti, muguren na ilik? Ndi, muguren nage neenok, ninom lambunugun ilik?” Yoge mbareegi, Ala nen wone onggo yoge, “Muguren nak o. Muguren nage logomenggendik, kinom abuk a'nuk, ndiniren woraamunggun me, nak o,” yoreegerak.