Ndawi 18:22 - Ala Wone Peenok Peebi Mbanak

²² Eeko logorak wone yereegerak nogo, mondok liippege, Wone lengganogo yo'niragagerak nogo, Nomonogo mbo pega'lek mondok porogo wonage, Eerit nage logonet,

Ndawi 18:22 ပူးပေါင်းရင်းမြစ်များ

Ayup 23:11

At iyok pit nage me, an niyok time aret pit nage, Nena agi-ogu agak eeka'lek tu at nage menggim mban nage,

Ndawi 119:112

Kat koone lengganak nogo ti, “Mondok eerit nage logokit o,” yinuk, Niniki nggaruk togon koonogo pigirak me, Eerit nage neegak kambi noorak kuli aret ari nagin o.

Ndawi 119:117

Nomaawi eerogo panege keenok, nagap ndarak wonage, Koone lengganak nogo an ko'lu-kii'me liippege, Eeke logogin o.

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 119:30

Kat ari menggendak nogo Liirogon eerit nage logokit nduk, miikkolage, Eekaatak ndak-ndak eeppiigo logorak koone yugu nogo Ti mban nengga loolo punuk eerit naakit mbake,

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Pelaareegerak 26:13

Abu aret wogorogo logomonggotik, at Aliku kinogoba Ala yogo logonet, Kaliku ALA nen wone, Yogop ee'nu ndogop ee'nu, yo'niragagindak nogo ambi taganogo pugwi, ambi kobak eerogo pugwi, eerulik kat yo'niragagindak nogo mondok ndak-ndak aret kake pugu abu leenak mendek nogo, nit tabun paga logonet, ambi waganogo nunggwi, maluk ninoba lenggenak wonage logonet kunduk, wonok endekem wundi nogwe, aakumi kanggwi iinok wogorogwe, eerulik o. Ata, Kaliku ninogoba Ala nen wone lengganogo yo'niragagindak nogo ndak-ndak mban eeko logonet, kake pugu abu alik leenak lombok ti, nit niname nen apit aret waganogo aap Lewi mendek inom, aap nggiru inom, elege moono inom, kumi nanu inom, wogorogo o.