Ndawi 18:20 - Ala Wone Peenok Peebi Mbanak

²⁰ An obeelom mban eeke neenok, Aliku ALA nen ndak-ndak obeelom eeppanege, An maluk eeka'lek wonage neenok, Onggo maluk eeppanega'lek wonage, Eekerak o.

Ndawi 18:20 ပူးပေါင်းရင်းမြစ်များ

Ayup 22:30

Aap maluk eeka'lek ugun wonage kenok, Ala nen agap ndake menggerak me, Kat maluk eeka'lek obeelom wonage keenok, Ala nen kagap ndarigin o,” yinuk, yoreegerak.

Ayup 36:16

Nggeewo pagi eyak nggerembunuk menggi kwak, Aaninggin nen koba nggero eerogo pagit unggwage me, Wondet aago logonok nduk, Ala nen, Mok o, mok o, yokkege, Mbi abe ndiinik-piinik aago wonage me kwippagage, Eeke kwe,

Ndawi 118:5

An nonggop eerubok ee'nake kenok, “Yeenggwa niru o,” yinuk, Noone nggwok paga Aliku ALA yoge neenok, At aruk konembunuk wondet eerogo panegerak o.

Ndawi 18:24

An obeelom eeke minggirak ndak-ndak At Aliku ALA onggo eeppanege, An maluk eeka'lek neegerak ndak-ndak, Onggo maluk eeppanega'lek wonage, Eekerak o.

Ndawi 24:4

Lek o. Aap ineenggi paga maluk eekwi, Iniki maluk koonggwi, Ala kagak obaane'me kugi eekwi, “Kumbuk mbanggi o,” yinuk, pilit yogwe, Eekulik kenok, Aap ti mendek o time mi'nari noorak op aret o.

Ndawi 26:6

Kaliku ALA wae. An maluk eekeelik neyaawak nduk neenggi kooppunuk, Kake kani kunggo menggam yendok-wandok nege logonet,

Ndawi 31:9

Kaliku ALA wae. An aaninggin lombok noba kwi'nagaarak paga Nale ari logonet, nenegen andi eerogo pake, Neebe-niniki mondok andi negen ee'nabit unggwage, Eeke me, Nabuwa mbake logot o.

Ndawi 58:11

Ti eekwi nogo aakumi nen inigen iinok, Yogo logonet, “It aap iniki abe koonak nogo Ala nen onggo wogorage, O nggween paga eekaatak ndak-ndak inowak loongge, Eeke menggerak abet aret kogo o,” Yinuk, yogo logogun o.

Ndawi 7:3

Kaliku nogoba Ala wae. It yo'nugwi yi, Eekirak paga maluk noba wonage,

Ndawi 7:8

Kaliku ALA yi aakumi ndi aakumi inowak loongge, Eeru o. Kaliku ALA wae. Kat mondok tiyanak menggendak me, “At obeelom aret eeke, iniki abe paga mu'neren wage, Eeke menggerak ilik, lek a?” yinuk, An kunduk nowak loonnabu o.

Kini Wuppiige 11:18

It aap maluk mendek eerit nogwe onggo kologwe ti, lek ariyak mendek kologo menggaarak kwe, It aap awi yumbunit nogo mengga kwak, obeelom mban eerit nogwe onggo ti perak, mondok logorak mendek aret kologo menggaarak.

Yetaya 49:4

An nen ari logonet, “An anggon-panggon ee'nake kagak eeke nogo aanom warogo aret eeke, An nomaawi lik-lek eekkolage nogo ti, ambi koloorak lek we aret eeke, Eekirak mbake kwe, Eeppaniyak nogo ti, Aliku ALA obaalombok aret wonage, Ndi, onggo wo'niriyak nogo ti, nogoba Ala nen aret koongge, Eeke menggerak,” kagak yagarak o.

Yetaya 62:11

Aliku ALA nen it aakumi nggween irip-irip wonogwe abok aret inaruk konenuwak nduk wone yoragaarak yi o. “At Kinagap Ndaka wage yi kaanip o. Ta'liila eerit nage nagagerak onggo kolegerak nogo inom wogwe, At peebi wage kagak inaa'nduk wogwe, Eekwi yi, Iyaanip o, yinuk, o Tiyon Aagalukwe nogo yoru,” yegerak o.

Matiyut 6:4

Ata, aakumi inenggaanom lek me, kumaarogo wogorogo logonip o. Ndi, kote kumaarogo wogorogwe kiinok, kinogoba kote eekwi enegen kage menggerak nogo nen onggo wokkiraagin aret o, yinuk, yokkiragi o,” yoragagerak.

1 Korindut 3:8

At awi yake inom, niyo kilike inom, ti imbirak ndak-ndak aret me, it nggwiirit-nggwaarit eeko logomenggaarak nogo, Ala nen it inalitak lombok onggo ndak-ndak wogoraagin o.

Iberani 7:26

Ala unde ninowe nggwok ninake eeke logonet, obeelom eerogo pinanuwak nduk mippuurak agagerak nogo ti, Keritut aret o. It aakumi maluk eekwi inenggela'me nege nagagerak kwe, at maluk ambi eeke, ndi, aakumi inoone at oba pugwi, eeka'lek mbareegi, mbogut ta'mban-mban aago kagak, irimbaga tiyarogon kwippi laganeegerak. Kwippi lagangge mbareegi, at maluk eeka'lek mondok obeelom ake leenak aret me, nit aakumi ninabuwa nen ninake eeke wonage o.

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.