Ndawi 18:2 - Ala Wone Peenok Peebi Mbanak

² At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 18:2 ပူးပေါင်းရင်းမြစ်များ

2 Tamuwen 22:3

At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Aap maluk mendek nen nookwi iyo, Nagap ndariyak nduk, eeke logonet, Yugum pak wurogo pereegi kwak eerogo panit nege, Pi'nakwi iyo, o ambime kumaarogo pani nage, An nili eerogo panit nege, Eeke menggerak o.

Ndawi 116:1

At Aliku ALA noone aruk konengge, Yeenggwa niruwak nduk yoge nogo liippanege, Eekerak me, Niniki kunik eeke agarik o.

Ndawi 132:17

O yime aap Ndawut nogo Endage nggwok wigak ari logowak nduk eerogo pege, An amburu eerogo mippereegirak ndi wuninik kwak At endage ki logowak nduk, eeppege,

Ndawi 144:2

At nen aret nabuwa mba'nuk narum wake, Nayugum pak wurik kwak wonage, Nayugum pak wurogo pereegi kwak wonage, An nagap ndarogo panege, Neebe op logokit nen nanggeemu kwak mulunogo panege, Ndi, yi aakumi ndi aakumi nabu'me piya wage, Eeke menggerak o.

Ndawi 19:14

Kaliku ALA wae. Nayugum kwak inom, nili yaga inom, kat aret me, Noone ari minggirak inom, Ninikime koonit nage minggirak inom, Obeelom aret neyaanok lak, Ao, kombake minggirak o.

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 59:11

Togop eerumunggun kwe, Kat ninanggeemu kwak ninogoba wae! Kat eeke nogo aakumi an mendek inami arukwak, It ineebe inoorogo piyoorak mage o. Ata, it mak aago nugu logowak nduk, Komaawi paga mak eerogo piige, tebenogo piige, Eeru o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:7

At Ala nen mban nagap ndake, At nen mban nendage tiyappanege, Eeke menggerak o. Nayugum omaawi mendek nu'lek menggi kwak, Neebe op logorak abu'me ari unggwaga kwak, ti Ala aret.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Ndawi 91:4

Towe a'naabit abu'na aagalogwe tebembiinok menggi kwak At eenggi paga nobakkake, Keebe op logonok nduk, at abu'me pagage, At yokkiremenggerak ndak-ndak li'luk eeppagage, Eeke ti, at aret me, Kanggeemu kwak, karin kwak at aret o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yeremiya 16:19

Kaliku ALA wae. Kat komaawi eeppanega, Nobak wurik kwak wonaga, aaninggin noba age kenok, neebe op logokit nduk, kabu'me panega, kat aret o. Yi aakumi ndi aakumi kat kowagam ari wogwe, O nggween irip-irip me nen kat keya wogwe, Eeko logomenggaarik, Kat yokkogo logonet, “Ninombomini ti, abe mendek ambi porogo logolik o. Ata, inambokan lagangga abe eeppiyoorak lek aanom warogo kagak inagugiwak ti mban porogo wonogogwaarak o.

Iberani 2:13

ndi, ambi ari logonet, “An niniki at paga panggonak wonage agarik o,” yinuk, yoge, ndi, ambi ari logonet, “Ala nen wo'nereegerak napuri ninom yime aret ogoorik o,” yinuk, yoge, eeke menggerak o.