Ndawi 18:14 - Ala Wone Peenok Peebi Mbanak

¹⁴ Awim mbaganit nawak nduk, omaale namburogo nappege, Ineebe ma'naruwak nduk o kimbik nggwok kilanogo nappege, Eekerak o.

Ndawi 18:14 ပူးပေါင်းရင်းမြစ်များ

Ayup 37:4

Oone kole eerogo wumbi wage, Oone nggwok mondok iya ngguurubu kwak ari, Eeke logonet, Puk aga'lek pindan-pindan eeke menggerak o.

Ayup 37:5

Ala oone ngguurubu negen ari kenok, it aakumi nen, Wi! ugwi, At iya eeke menggerak nogo ti, aakumi nen liippuurak meek ogwe, Eeko menggaarak.

Ayup 38:35

O kimbik kilanogo nappiyamenggendak nanuk, keya wogo logomenggaarik, Ndogop eeppunuk keya wogo, yinuk, yokkiri woraawak nduk, nappiige, Eeke menggendak ilik lek a?

Ndawi 144:6

Nawim inagabiti nen kole ma'naruwak nduk, O yabok kilanogo nappit wage, Ineebe ma'naruwak nduk, komaale namburogo nappi wage, Eeru o.

Ndawi 29:3

Aliku ALA oone niyo irimbaga nen ari, Ala abu tiyanak lombok menggerak nogo, Oone ngguurubu pogom ari, Aliku ALA oone yi nggwok yenggenak laut nogo Ogombaga ngguurubu kwak eerogo nappit nage, Eeke menggerak.

Ndawi 29:7

O yabok kilanogo nappit nage menggi kwak, Aliku ALA oone togop aret eerogo nappit nage,

Ndawi 77:17

Ndugwi nen mayu wuppit wage, Mbogut paga ngguurubu eeke, Kat nappege menggendak o kimbik nogo nggaganogo nappit nage, Eereegerak o.

Ndawi 77:18

Ndi, o wiya nombok-kombok warit wage, Kangguurubu eerogo nappit nage, Kimbik pindanogo nappegendak nogo paga o nggween yi eya eerogo pege, O nggween yi nuk-nuk eeke logonet, na'ndo-wa'ndo eeke, Eereegindak o.

Yetaya 30:30

At Aliku ALA oone ari kenok iya mbakwi nogo it aakumi inaruk konenggwi, Ndi, mayu lubu-lubu wangge, o wiya omaawi warit wage, mayu kumulinggen wangge, eeke kagak, at anini mondok alik negen mbake, Kani iri'ngga nenet nage menggi kwak at anini togop aret age, Eeke logonet, eenggi omaawi paga aaninggin inoba kwippiya wage nogo inigen kogwe, Eeruwak nduk, Eeppiyaagin o.

Yowen 2:11

Aliku ALA awuri ineegin warak inaame nggwe a'nuk oone ngguurubu kwak wone lengganogo yorenet nage, At awuri aap wim eeka ineebe ambik aago nogo yorage, It at yorage konenggwi nogo, inomaawi ambik aret me yorage, Eeke agaarik o. Aliku ALA woroorak ne ti, mondok iya aakumi inamineeri ne agan nage nogo mendek aret me, Aap ta nen ko wappunuk logorak mbakop? Lek aret o.

Abakuk 3:11

Komaale namburik abigan o kimbik negen eeke, Kawooluwak namburik nage logonet, abinak pindanggage, Eeke paga Oonegen inom, tut inom, inobaane'me mbogut paga nogome puk ogwe iigirak o.

Linggineegwaarak 24:8

Kombowologwe ti, At Ala o Metit nen wogoren wage logonet, It tapi nggwiya eyak pogom yirippiyareegerak me, It aakumi inom ogoorak nogo inambeme yonggorinakwi, Inowak yigirik-noonom eerogo piigwi, Inomaale paga inobate polok ati inookwi, Eeko agaarik o.

Pelaareegerak 32:23

Aaninggin-paaninggin oona lu'luk inoba kwippiige, Neegin nomaale paga inoba yinik-kunik eerogo piige,

Pelaareegerak 32:42

Amburu ndonggok togon nenok kumili aganake menggi kwak, It aakumi inoorak inamiya inom, keele maarak inamiya inom, nomaale nen nengge kagak, Nobaloowi paga inoweewi wim wone mbangga inenggaanok mbanogo piige logogin o, yinuk, Nalik mondok neenik minggirak nen abet aret yagi o, yinuk, Yereegerak me, yokkiragi o.

Yotuwa 10:10

at Aliku ALA nen it aakumi Amori mendek yale-pale eerogo mappiige mbareegi, it Yotuwa awuri inom nen aakumi Amori mendek abok aret, o Nggibeyon time mondok iya aret inoorogo piinok, tu Mbet-Koron lagi nogo menggam nogo paga muguren inoorit o endage Ateka inom, o Makera inom, aret ari nogogwaarak.

1 Tamuwen 2:10

It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.