Ndawi 18:12 - Ala Wone Peenok Peebi Mbanak

¹² Enaame eya ndelenak-welenak aago logonet, Ndugwi kilanogo wumbit wage, Mayu anggen wambit wage, O kimbik pindanogo nappit nage,

Ndawi 18:12 ပူးပေါင်းရင်းမြစ်များ

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Wundeegwaarak 19:9

Yori lagangge mbareegi, at Aliku ALA nen Muta yoge, “An wone nimbirak mbanggwi nogo it aakumi Iterali nen inaruk konembunuk, koone yorage nogo mondok-mondok abet mbako logowak nduk, an ameraakot apit aago enggela'me keya wambi woraagin o,” yinuk, yoge mbareegi, at Muta nen it aakumi Iterali yereegwaarak nogo Aliku ALA yoreegerak.

Yetaya 50:3

An nen mbogut nogo yumaak aruwak nduk, yum kwak lenggenogo pege, Yum nibinik maluk mendek yiko mengga kwak yirippege, Eeke minggirak kagak, Eekeelik nombake keegi o,” yinuk, yoge kagarak.

Matiyut 17:2

inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Yotuwa 10:11

Inoorit nogo mbareegwa, it aap Amori mendek nogo tu Mbet-Koron paga mbaganit o Ateka ari nogwe me, at Aliku ALA nen mayu kumulinggen nggwok lombok inoba mbo wuppit wagagerak paga kambit nogogwaarak ti, ineebe ambik lombok aret o. Ndi, aakumi Iterali inawooluwak paga inooreegwaarak nogo ti, ineebe mbereeluk aret inooreegwaarak o.

Wayu 16:21

o mayu kumulinggen yo'nggok lombok aaninggin wakkage logonet, 40 kilo negen mbogut paga nen aakumi inoba wuppit wage mbaki, mondok iya tit kambit nogo logonet, “Ala anini nen mayu kumulinggen paga ninooke yi, nineebi a,” yinuk, inanini agaket yogwi iigirak o.