Ndawi 17:15 - Ala Wone Peenok Peebi Mbanak

¹⁵ An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 17:15 ပူးပေါင်းရင်းမြစ်များ

Ayup 14:12

Aakumi winna'nuk, ti'nuk, mi'nogolik o. Aakumi winnagaatak nogo ineenik ogwe, Nogo yugwi me ineenik eeppiigwi, Eeka'lek iigak, Mbogut nogo lek ari nagin o.

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 49:14

It aap ti, ndomba kanggo mengga kwak, Kambunuk nogo menggam noorak koonak wonage, Kambunuk nogo menggam nen ndomba ndegeninaka kwak, Wogoren nok nggween taambiyawam piya nage, Eerigin kwe, O kubondendok age kenok perak, Aap iniki koonak nogo nen Wone lengganogo yorogo logogun o. Inawi abe kigirikwe wurogo pemenggaarak nogo O nda wonage kagak inagabolo nogo ti, Nggween taambiyawam time aret pili arigin o.

Ndawi 5:7

Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yeremiya 31:26

Ti ari mbaki, neenik age nagarik, “Nogo aberogon yigirak kagi,” mbakirak.

Linggineegwaarak 12:8

Wone eegu elaarogo paga yogeelik o. Ata, at nimbirak nengga kunna'nuk, wone mbangge logonet, Kin paga aret yoge minggirak o. At nen Naliku ALA neebe neege menggerak kagak, Kit nonggop nduk kinagabiti mbaka'lek nayeloman Muta nogo Abok nggarik-nggarek yogo ogotik?”

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

Pilipi 3:21

Wambi wage logonet, at omaawi paga yi mendek ndi mendek abok aret at abu'me logowak nduk, tebemborogo menggerak nogo paga nen ninagabolo maluk pili age menggerak mendek yi, nggonenogo mbo punuk, obaane'me at agabolo mondok alik ngget mendek nogo aret yippinanigin o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.