Ndawi 17:13 - Ala Wone Peenok Peebi Mbanak

¹³ Togop me, Kaliku ALA wae. Kat pilak yu o. Pilak ari logomenggendik, Kinom perenggolage logonet tebenogo piige, Kat keegin tiyak ari logonet, Aap maluk eeka ineenggime nen an ndinnake, Eeru o.

Ndawi 17:13 ပူးပေါင်းရင်းမြစ်များ

Ndawi 10:12

Togop eeko menggaarak me, Kaliku ALA wae. Pilak yu o. It aakumi inagap ndakkoloorak meek mendek yi, Kobak eerogo mbo piyoorak mage o. Ala wae. Kat yeenggwaaret o.

Ndawi 119:126

Kaliku ALA wae. Koone yugu Muta liiru mbaneegerak nogo Tagambunuk alik eekwi me, Kat eeppiyoorak eyom muk panggoni wagaarak wonage o.

Ndawi 22:20

It inawooluwak paga nooriyak eekwi yi, Ineenggime nen nagap ndake, Neenik logorak ti, iya lombok me, Nggeewo eenggi paga nggerembunuk menggi kwak Eeppanugwi me, neebe ndinnake,

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 44:26

Kat ninabuwa nen kiniki kunik mban ee'ninabit wundi wage menggendak me, Pilak ari logonet, Yeenggwa nirage, ninagap ndake, Eeru o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 94:16

Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Yetaya 10:15

Aap ambi aye paga eyo muuke kagak, ye ti nen, “At aap yi, iya lek o. An perak iya o,” yinuk, wogoppake, Ndi, aap ambi anggege paga eyo mbangge kagak, nggege nogo nen, “At yi lek o. An mban iya o,” yinuk, tiyappake, Eeko menggaarak mbakop? Aap ambi owaanggun wagangge kenok, waanggun nogo nen, “An nen kat wokkabi o,” yinuk, yoge, Ndi, yawi mbanak nen, “Yogop eeru,” yinuk, aap nogo yoge, Eekulik o.

Yetaya 10:5

Ala nen ari logonet, “It aakumi Atiyut mendek inabuwa o! It aakumi Atiyut mendek ti, nanini an napuri eeppiyoorak neyawi kwak, Niniki aagi eeppiyoorak muun mbanak kwak, It aret me, inabuwa o.

Yetaya 13:5

An nawuri wim eeka inawi o ndaanda nen wogwe, Nggween irip-irip me nen wogwe, Eekwi iinok, Naliku ALA nanini aakumi eeppiyoorak mbake nogo it nen eeppiyaawok nduk, kuwak eeri wogwe me, It nen aakumi o nggween paga wonogwe abok aret lek eerogo piyaagun o.

Yetaya 37:26

At eerit nage ti, awo eeka'lek kagak maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.