Ndawi 17:1 - Ala Wone Peenok Peebi Mbanak

¹ Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 17:1 ပူးပေါင်းရင်းမြစ်များ

2 Tamuwen 22:24

An maluk eeka'lek neyaawak nduk eeke, An maluk eerit nookwak, narum wakkolage, Eeke minggirak me,

2 Mbinineegwaarak 7:15

Ndi, yogondak an nawi wurik me yime nenegen wagangge, o yime nen tamban eekwi kiinok naruk konengge, eeke logogin o.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Ayup 16:17

Maluk eekirak ambi kumaapporogo lek aret me, Niniki abe paga tamban eeke agarik o.

Ndawi 102:2

Aaninggin noba a'nuk wonage neenok, Kenete kumaappatinuk logorak mage o. Ata, an yokkege neenok karuk konengge, Noone nggwok paga yokkege neenok, Onggo mbet-mbet yo'nege, Eeke logot o.

Ndawi 140:12

It aap tebenak wonogwe nogo, At Aliku ALA nen inaana'le mbangge, Aap ineenggi lek nogo inawone liirogon mbangge, Eeke menggerak ti, neenu aret o.

Ndawi 142:1

An noone nggwok paga Aliku ALA yoge, “Yeenggwa niru o,” yinuk, Noone tiyarogon Aliku ALA yoge,

Ndawi 142:6

An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

Ndawi 143:1

Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 145:18

It aakumi nen Aliku ALA yogwi, Iniki ambit eeppunuk inoone nggwok paga yogwi, Eekwi iinok, At mbo piigeelik yeenggwaarage menggerak o.

Ndawi 18:20

An obeelom mban eeke neenok, Aliku ALA nen ndak-ndak obeelom eeppanege, An maluk eeka'lek wonage neenok, Onggo maluk eeppanega'lek wonage, Eekerak o.

Ndawi 18:44

Awo yorage neegak, konembunuk aret eekwi, It aap nggiru nogo, Inagabolo nirik-kirik agan neya wogwe,

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Ndawi 5:2

An tamban eeke logonet, Nowe kendagembogut nogoba Ala nggino yokkege me, Yeenggwa nirenok nduk, noone nggwok yokkege yi, Karuk konenu o.

Ndawi 54:4

An yeenggwa nega ti, kat Ala aret o. An ti, nogoba kat panggok aret o.

Ndawi 55:18

It an nawim ineebe ambik aago Tebenogo panuwok nduk noba kwi'nari wogwe me, Nagabolo mbangga'lek kagak nagap ndake menggerak o.

Ndawi 61:1

Ala wae. An tamban eeke yi, karuk konengge, Niniki puru ari logonet yokkege yi, liippanege, Eeru o.

Ndawi 61:2

O irip me nen noone nggwok paga yokkege, Niniki lek ee'nabit unggwage kagak yokkege, Eeke me, Yugum nu'lek tiyarogon wonage nogo paga Nalik lagarak meek me, Kat nen aret wo'neren pani lagu o.

Ndawi 66:19

An tamban eekirak nogo mbo pege, Nabuwa nen iniki kunik ee'nake nogo tayoppege, Eerulik o. Ata, an yoreegirak nogo abet aret aruk konengge, Tamban eereegirak nogo aret liippege, Eereegerak me, Ala endage tiyappege agarik o.

Ndawi 7:8

Kaliku ALA yi aakumi ndi aakumi inowak loongge, Eeru o. Kaliku ALA wae. Kat mondok tiyanak menggendak me, “At obeelom aret eeke, iniki abe paga mu'neren wage, Eeke menggerak ilik, lek a?” yinuk, An kunduk nowak loonnabu o.

Ndawi 84:9

Ala wae. Nit ninanggeemu kwak kat aret me, Aap kat amburu kilirogo mippereegindak nogo abuwa nen pekkage, Eeru o.

Ndawi 86:1

Kaliku ALA wae. An neenggi lek ambi eekkoloorak meek me, Wone yokkege yi, karuk konengge, Karuk konengge logomenggendik, onggo yo'nege, Eeru o.

Ndawi 86:6

Kaliku ALA wae. An tamban eeke yi, karuk konengge, Nabuwa mbarenok nduk, Noone nggwok paga yokkege yi, liippanege, Eeru o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yeremiya 3:10

An nen Iterali eeppiige abok aret it ugun-ugun eekwi inawuluk Yekura nogo nen inigen iige nagagerik, iyokan neya wagagerak kwe, iniki abe paga woroolik o. Ata, neya wage yuwak wagagerak o,” yinuk, Aliku ALA nen an yo'negerak.

Matiyut 15:8

It aakumi yi, inambe paga nen an wogoppanugwi kwe, Iniki perak, ninom ogoorak aret wonogwe o.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

1 Yaya 3:21

Noreewi niniki kunik yi wae. Nit ambi eekoorak paga ninikime nen ninenggali wappinanega'lek kenok, Ala enggaanom paga ninagabiti mbariyak lek o.