Ndawi 16:9 - Ala Wone Peenok Peebi Mbanak

^9-10 Togop me, An niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk pili age kagak teppege, Eerumunggun lek me, An kambigin kenok, neebe obeelom aret logogin o.

Ndawi 16:9 ပူးပေါင်းရင်းမြစ်များ

Ndawi 108:1

Ala wae. Niniki nu'lek kat paga panggonak wonage. Niniki yi wae. Kabolok yu o. An ndawi tiyangge, ndawi paga kanep pege, Eerikit o.

Ndawi 30:12

Noone puk logogin lek o. Niniki paga nen kanep pege logonet, ndawi wake, Ndi, Kaliku nogoba Ala wae. An mondok-mondok, “Wa!” mban yokkege, Eeke logogin o.

Ndawi 57:8

Niniki yi wae. Kabolok yu o. Nggitat inom, nggawiwak inom, yi wae. Kinoone yinip o. An o weeruwak nduk eerogo pikit mbakirak me, Mi'na'nuk kinoone yinip o.

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Ndaniyen 12:13

Ndi, kat perak, liippunuk eerit nage keegak, age wobok ari woraagin me, kiniki ugun nak o. Yonggonggologo menggam yonggonggolage logomenggendik, ti'nuk, o age yubuni wage eyom paga kat ambi eeppagarak kake punik nogo kolaamunggun nduk, mi'narumunggun o,” yinuk, yo'nege kagagirak.

Nappiigak 2:26

Togop me, an niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk, pili age kagak, teppege, Eerumunggun lek me. Kanggo menggaarak mendek an aret kwe, Eeppaniyak niniki lunik aret me, niniki tayenak aret agarik o.