Ndawi 16:7 - Ala Wone Peenok Peebi Mbanak

⁷ Kaliku ALA nen naruk wake menggendak me, An nen kendage tiyappagage, Oonikiya kunduk niniki nen koonogo mamunggolage, Eeke minggirak.

Ndawi 16:7 ပူးပေါင်းရင်းမြစ်များ

Ndawi 119:148

Oonikiya paga aap tum ambi wakak eekwi iigak, An nogo yega'lek neenik logonet, Wone koonogo pereegindak nogo ninikime mbininit nage, Eeke minggirak o.

Ndawi 119:55

Kaliku ALA wae. Oonikiya paga kendage aberit nage, Koone Muta nen liiru mbaneegerak nogo Porogo logonet eerit nage, Eeke minggirak o.

Ndawi 119:7

A'me nggelok eeko logorak koone yugu nogo An mamunggolage logonet, niniki koonak paga, “Wa,” lombok yokkege logogin o.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Ndawi 42:8

O liingge wonage kagak Aliku ALA nabuwa nen iniki kunik ee'nake, Neenik alom ti, Ala aret me, Oonikiya Ala yoge neenok, ndawi wake logokit nduk eeppanege, Eeke menggerak.

Ndawi 63:6

Oonikiya at ambi tum wakak eekwi iigak, An nogo yege minggim winnage nagatik, koba abeke, Ninikime nen kat kabok mbininit nage, Eeke minggirak o.

Ndawi 73:21

An niniki andi lombok ee'nake, “Eeppanega'lek ao,” yinuk, Luwaap ngguurik negen malonnirit nege, Eerak negen logonet,

Ndawi 73:24

Tu abe paga naakit nduk, naruk wake, Eeke logomenggendik, Kat tiyanak menggenom nimbirak logokit nduk, wo'nabumunggun.

Ndawi 77:2

Aaninggin noba ari wage eyom paga nogoba Ala kwaake, Oonikiya paga neenggi tanep aga'lek nippunuk wonage, Eeke neegak kwe, Niniki kwi'naga'lek nggilu ari mban wonage,

Ndawi 77:6

Oonikiya paga ndawi tiyanit nage, Ninikime nen mban mbininit nage, Niniki nen kwaarit nage, Eeppunuk, ari logonet,

Kini Wuppiige 8:14

Inaruk waka, iniki liippunuk koongga, ti, an aret unde wonage, Wone alom ineenu aga, omaawi eeppiiga, ti, an noba mban wonage, Eerak aret agarik o.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Yetaya 48:17

At Kikak Nakeelik Alik Leenak Wondet Eerogo Pinagaga Iterali inogoba Aliku ALA nen yegerak nogo yi aret. “It obeelom logowak nduk, mamunirage, Tu ndi paga nogwe iinok, op aret ari nage kaamunggup o, yinuk, yorage, Eeke minggirak Naliku inogoba Ala an aret o.

Yetaya 50:4

Aakumi inomaawi lek agaarak wonogwe nogo iniki eyak wappiyoorak wone neenu arikit nduk, Aliku Itok Menggerak ALA nen, “Ndogop yu o,” yinuk, mamunnake menggerak o. Ko'lu-kii'me kubondendok paga neenik eerogo panege, Aap ambi mamunirage kenok, apuri inaruk liirogon konenggo mengga kwak, naruk liirogon konengge logokit nduk, eeppanege, Eeke menggerak.

Yeremiya 12:2

Eyo awi yako mengga kwak yarogo piige mbaken, It togop aret inomanggen yakwi, kwit agan laganggwi, anggen yugwi, Eeko menggaarak. Inambe paga nen kendage yogwe kwe, iniki perak, abu nda lombok wonogo agaarik o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.