Ndawi 16:2 - Ala Wone Peenok Peebi Mbanak

² An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Ndawi 16:2 ပူးပေါင်းရင်းမြစ်များ

Ndawi 27:8

Kat nen ari logonet, “Nenete neyaanok nduk kwaa'nabi mok o,” Yo'nege keenok, an niniki nen, “Aliku ALA enete kaakit nduk kwaari na o,” Yinuk, kwaakkabit wage me,

Ndawi 31:14

Togop aret kwe, Kaliku ALA wae. An perak, niniki koba panggombege, “An nogoba ti, Ala aret o,” yinuk, ari, Eeke agarik o.

Ndawi 73:25

O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Ndawi 8:1

Kaliku ninogoba ALA wae. Kat kendage o nggween paga yime abok aret Abu tiyanak mondok ndak warak wonage me, ia o! Mbogut irimbaga kunduk, Kendage tiyanak logowak nduk eerogo pege,

Ndawi 89:26

At oone nggwok paga an yo'nege logonet, “Nogoba Ala nayugum lunik kwak Nagap ndaka kat aret o,” yinuk, yo'nirigin o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Yetaya 26:13

Kaliku ninogoba Ala wae. Kat keegak, ninogobamini wone lengganogo yo'nirogo nogogwaarak ineebe ambik aret kwe, Kat kendage mban tiyappagago ogoorik o.

Yetaya 44:5

It ambi nen, An Aliku ALA amendek o, yinuk, ari, Ore ambi nen, An Yakup paga wiganak aret, ari, Ndi, it alik ambi nen, An Aliku ALA aput aret o, yinuk, eenggi paga liiru mbambunuk, Nendage Iterali mendek aret agi o, yinuk, toonggolage, Eerugun o,” yinuk, yegerak me, yokkigi o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Lukat 17:10

Ndi, ti kenok, ti ndak-ndak kit wone, Yogop ee'nu, ndogop ee'nu, yokkirage nogo abu eeppogo logomonggotik, Lek o. Nit aap inayeloman mban ogoorik o. Ninaburen eerulik o. Ata, yo'niragaarak kenok mban eekoorak yogo logorak op o,” yinuk, yoragagerak.

Yaya 20:28

Yoge mbareegi, Tomat nen at yoge logonet, “Ai! An nogoba Ala kat aret keegi o.”

Oroma 11:35

Ta nen o maan nen yogondak kuli paga, Ala onggo ndak-ndak wo'niruwak, mba'nuk, yi aakumi ndi aakumi wogorage, Eeke menggerak mbakop? Mondok lek aret o.”