Ndawi 150:4 - Ala Wone Peenok Peebi Mbanak

⁴ Oone lobale eekwi, kwirabik-kwirabok yogwe, Nggitat inom, nggawiwak inom, Eeko logonet, at endage tiyappugwi,

Ndawi 150:4 ပူးပေါင်းရင်းမြစ်များ

Ayup 21:12

Oone lobale paga inom, nggitat paga inom, oone eekugak ndawi wakwi, Iniki ale'nggen nen nggawiwak oone eekwi,

Ayup 30:31

Nanggitat nen le ndawi mban tiyangge, Nenggawiwak nen leenggu maako menggaarak mban ari, Eeko agaarik o.

Ndawi 144:9

Ala wae. Kat nen mban It aap inendagembogut ineegin tiyappiige, Kayeloman Ndawut warogo pugwi iyo, ili eerogo pege, Eeke menggendak me, Karuk konenenok nduk, an ndawi ngget mendek tiyangge, Nggitat agale 10 aago paga eeke logonet, Ndawi kanep tenok-mbenok ari, Eerigin o.

Ndawi 149:3

Aliku ALA nen at apuri inikilom mbake, Aap iniki tebenak, “Wi!” yogo logowak nen Nggare-nggare yippiigo mengga kwak Ineegin tiyak yuwak nduk, eeppiige, Eeke menggerak me, At endage tiyappogo logonet, kwirabik-kwirabok yogwe, Ale'nggen kaawak nduk, lobale inom, nggitat inom, Oone eeko logonet ndawi wakwi, Eeko logowak o.

Ndawi 33:2

Wako logonet, nggitat paga Aliku ALA tiyappugwi, Aruk konenuwak nduk, nggitat agale 10 aago paga eekwi iigak ndawi wakwi,

Ndawi 45:8

Kayum yirike menggendak nogo ti, Eyo yibinggami inom, ni inom, nggoo'nggop inom, Nogo paga obari abu abe eerogo pugu wonage, Kawi o nggwok abe wurik nogo ti, Wam kole gajah eyak paga amuni mbanogo pugu wonage, Eerak kagak, Nggitat paga ndawi wakwi iinok, Kiniki ale'nggen mbake menggendak o.

Wundeegwaarak 15:20

Karun awuluk Ala wone yoraga kwe Miriyam nogo nen togolowak eenggime wagangge nagagerik, oone lobale eeke kenok, it kumi apit aret kwirabok yogo logonet, at eeke ndak-ndak eekwi iigak,

Yetaya 38:20

Kaliku ALA nen an nagap ndarogo pani wagandak me, Nit Kaliku ALA kawi wurik me time mondok-mondok logonet, Yi nggitat ndi nggitat oone eekwi, ndawi wakwi, Eekwi tit niigak kambuurak kuli ari nagin o,” yoge mbareegi, ndawi pereegerak liiru mbaneegerak ti aret.

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.