Ndawi 150:3 - Ala Wone Peenok Peebi Mbanak

³ Oone nggwok eeka trompet nogo oone pu eeko logonet, at tiyappugwi, Nggitat nggwok inom, mbuuluk inom, eeko logonet, at tiyappugwi,

Ndawi 150:3 ပူးပေါင်းရင်းမြစ်များ

2 Tamuwen 6:15

it aakumi Iterali abok aret inom iniki ale'nggen paga Aliku ALA aloobut mbanak nogo wonok, oone nggwok eekak trompet nogo oone pu eekwi, keekok yogwe, eerit wogogwaarak.

2 Tamuwen 6:5

at Ndawut aakumi Iterali mendek abok aret inom inale'nggen alik negen inikime nggelok ari logonet, at Aliku ALA enggaanom paga nggitat mbuuluk mendek inom, nggitat nggwok mendek inom, togolowak oone lobale inom, nggawiwak mbanak inom, togolowak tabak pu ndale eeka inom, oone eekak ti mendek abok aret oone eerit kwirabik-kwirabok agan ndawi warit wogogwaarak.

1 Mbinineegwaarak 15:20

ndi, it Takariya togon, Atiyen togon, Temiramot togon, Yekiyen togon, Uni togon, Eliyap togon, Maateya togon, Mbenaya togon, ti nggitat oone nggwok eeka nogo oone mondok tiyak togon eekwi,

1 Mbinineegwaarak 15:24

it aap Ala unde Tebaniya inom, Yotapat inom, Netanen inom, Amatayi inom, Takariya inom, Mbenaya inom, Eliyetet inom, nen Ala aloobut mbanak enaame time oone nggwok eeka trompet nogo oone pu eekwi, it Obet-Erom Yekiya imbirak kunduk, Ala aloobut mbanak tu pekka unggwogo menggam arum wakwi, eeko logowak nduk, leenogo piyareegwaarak.

1 Mbinineegwaarak 15:28

It aap Iterali mendek Aliku ALA aloobut mbanak me wone yugu yonggolak nogo, piyaninuk wogo logonet, inale'nggen nen keekok piyanggogwe, oone nggwok eeka trompet nogo oone pu eekwi, ndomba eyak paga oone eekwi, nggitat nggwok inom, mbuuluk inom, eekwi, togolowak tabak paga oone pu ndale eekwi, eerit wonok o Yerutalem wogogwaarak.

1 Mbinineegwaarak 16:42

Ala alut eekwi iigak, at Keman Yerutun imbirak nen oone nggwok eeka trompet nogo, oone pu eekwi, togolowak tabak pu ndale eekwi, yi oone ndi oone eekak nogo inom oone eekwi, eeko logorak unde eeppiige, ndi, at Yerutun apuri nogo, tu unggwogo menggam arum wako logowak nduk, unde eeppiige, eereegerak.

1 Mbinineegwaarak 25:1

Ala alut eeko logonet, nggitat mbuuluk inom, nggwok inom, togolowak tabak oone pu ndale eekak inom, oone eekwi iigak, Ala nen yorage kenok, yorogo logowak nduk, at Ndawut inom, it aap ineegin warak inoweewi inom, nen, it aap Atap apuri inom, aap Keman apuri inom, Yerutun apuri inom, leenogo piyareegwaarak inendage nogo yi aret.

2 Mbinineegwaarak 20:28

Unggwi wogo nogogwaarik, nggitat nggwok inom, mbuuluk inom, eekwi, ndi, oone nggwok eeka trompet nogo oone pu eekwi, eerit Aliku ALA awi wurik me ari nogogwaarak.

2 Mbinineegwaarak 5:13

Aap trompet oone nggwok eeka inom, aap ndawi tiyangga inom, ambugwi aret Aliku ALA alut eeko logonet, “Wa!” yogo nogogwaarak. Inoone nggwok paga Aliku ALA alut eeko logonet, “At obeelom aret o. Aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, yogwe iigak, oone nggwok eeka trompet nogo oone pu eekwi, togolowak tabak oone pu ndale eekwi, yi oone ndi oone eekak nogo inom oone eekwi, eeko nogogwaarak. Ti eekwi iigak, ndugwi Aliku ALA awi wurik me yagabit eerogo pi unggwagagerak.

Ndawi 108:2

Nggitat inom, nggawiwak inom, yi wae. An o weeruwak nduk eerogo pikit mbakirak me, Mi'na'nuk kinoone yinip o.

Ndawi 149:3

Aliku ALA nen at apuri inikilom mbake, Aap iniki tebenak, “Wi!” yogo logowak nen Nggare-nggare yippiigo mengga kwak Ineegin tiyak yuwak nduk, eeppiige, Eeke menggerak me, At endage tiyappogo logonet, kwirabik-kwirabok yogwe, Ale'nggen kaawak nduk, lobale inom, nggitat inom, Oone eeko logonet ndawi wakwi, Eeko logowak o.

Ndawi 33:2

Wako logonet, nggitat paga Aliku ALA tiyappugwi, Aruk konenuwak nduk, nggitat agale 10 aago paga eekwi iigak ndawi wakwi,

Ndaniyen 3:5

Oone pu eeka trompet nogo oone pu eeko logonet, nggawiiwak mbanak oone inom, nggitat nggwok oone inom, nggitat mbuuluk oone inom, lobale oone inom, ti mendek oone abok aret ari inaruk konenggwi iinok, inowe nendagembogut an Nebukanetat nen nagugi ogut mbuti emas paga eerogo mippigirak yi, abu'me tebe yinuk, ayuk wuko logowak o.

Linggineegwaarak 10:10

Ne yi eyom ndi eyom kiniki ale'nggen paga laago lakwi, tut ambi penengge kenok eekwi, ndomba warogo nake kani kunggwi, an Ala ninom lambunik logowak nduk, nake warogo wo'nugwi, eeko logonet, trompet oone pu eeppunuk mban eeko logonu o. Ti eeko logorak ti, an kinogoba Ala nen niniki abekkinake logokit nduk, eeko logorak wone nogo ti aret o, yinuk, Naliku kinogoba Ala an nen aret yokkigi o,” yinuk, yoreegerak.