Ndawi 15:4 - Ala Wone Peenok Peebi Mbanak

⁴ Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Ndawi 15:4 ပူးပေါင်းရင်းမြစ်များ

2 Mbinineegwaarak 36:13

Aap endagembogut Nebukanetat nen aap Terekiya nogo yoge, “An kabu'me logonet, koone mondok konengge logogin o, yinuk, Ala endage kumbunuk, kumbuk mbanu o,” yinuk, oone omaawi paga yoge mbareegi, Ala endage kunogo kumbuk mbaneegerak kagak, wonagagerik, peebi, “Aap yi nen wone lengganogo yo'nege logorak neebi o,” yinuk, iniki mi'nage nagagerik, ogogumbuk age, anobak yugum pogom kungge, eereegerak me, yungguninuk, Iterali inogoba Aliku Ala mugurok noorak eebi mbareegerak.

Etet 3:2

Mippege nagagerik, at ake eeko menggaarak awi o nggwok abe wurik me tu unggwogo menggam wonogwe nogo yorage logonet, “Aap Kaman unggwi wage, wundi nage, eeke kenok, kinendobanggun yindumbunuk, ayuk wuko logonip o,” yinuk, yorage mbareegi, it abok togop aret eeko nogogwaarak kwe, at Morekayi alik perak, endobanggun yindumbunuk, ayuk wuke logolik aret.

Ndawi 101:4

It aap iniki nggolawe nogo tayorogon piya nage, It maluk eekwi ninom eeriyak mondok neebi mbake, Eeke logogin o.

Ndawi 101:6

O yime it aakumi kat koone li'lak eekwi nogo An ninom logokit nduk nenegen wogonake, Ndi, it aap maluk inoba ambi lenggenggulik nogo An nake eeko logowak nduk eeppiige, Eeke logogin o.

Ndawi 119:63

It aap kat kayuk wukwi, Eeko logorak koone yugu mugurok nogwe, Eeko menggaarak abok aret Ninom niniki kunik minggirak o.

Ndawi 16:3

It kapuri alik leenak nggween yi paga wonogwe nogo It mban tiyanak mondok iya wonogwe, It eekwi paga nale'nggen alik negen eeppanugwi, Eeko agaarik o.

Matiyut 5:33

Wone ambinom yorage logonet, “Ala endage kumbunuk, kinoone pilit-pilit yoroorak mage o. At enggaanom paga, Ndogop eerugun o, yinuk, Ala endage kumbunuk yogotak nogo ndak-ndak aret eeko logonip o, yinuk, o maan aakumi yorogo nogogwaarak kit muk kinaruk koneneegutak kwe,

Nappiigak 24:25

Ndi, at Pawulut nen obeelom eeko logorak wone inom, iniki nen eeriyak eeginake kwe, tebenogo puurak wone inom, peebi nen owak looninaburak wone nogo inom, yorage mbareegi, at Pelikit nogo agabiti age nagagerik, “Abu yogoorak me, nak o. Ne ambi paga yuurak nanonggwan age kenok, woraanok nduk kayonggo pege neyaamunggun o,” yinuk, yoreegerak.

Nappiigak 28:10

Eeginake mbareegi, it aakumi nogo nen, “Obeelom ee'ninakerak o,” yinuk, inale'nggen nen, yi mendek ndi mendek wo'nira wagak eeko nogogwaarak, Ti'nuk, peebi nit yiiro paga nawok nduk eeko mbareegu, yi mendek ndi mendek lek kero, wonok wo'nira wogogwaarak.

1 Yaya 3:14

Nit ninoreewi ninom niniki kunik eeginakwi ti paga, kanggo menggam nen nineenik ee'ninake menggim muk pinani wagagerak wonogwe nineenu ogoorik o. Aap ambi nen aakumi iniki kunik aganake lek kenok, at kanggo menggam time awo aret wonage agaarik o.

Owak Loongga 11:35

“A o, napuluk! An kogoba nogo, wone mondok abuk nggaruk togon kumbuk mbanogo at Aliku ALA yogirak nogo lek eerogo puurak meek aret me, niniki maluk eerogo panege, niniki warogo panege, eerikit nduk, ee'naken o, napuluk.”