Ndawi 15:3 - Ala Wone Peenok Peebi Mbanak

³ Inoone paga nen aap meek eerogo piinet nugulik kenok, Inoreewi maluk eeppiigulik kenok, Inom menggaarak inendage maluk eerogo piigulik kenok,

Ndawi 15:3 ပူးပေါင်းရင်းမြစ်များ

Kini Wuppiige 22:10

Aap miyuk-meya eeppiiga mugogo wumbiigwi iinok, Wone wakwi nogo nggobok ari, ndugwi pugwi ti lek age, ndi, inenggali wappiinet nage nogo lek aret age, Eeke menggerak.

Kini Wuppiige 25:3

Mbogut agi tiyarogon wonage, ndi, nggween yi, ogu teberogon wonage, eeke menggi kwak, Aap inendagembogut iniki ti, togop aret me, iniki mbakwi kwaakkoorak meek aret o.

Yetaya 56:2

It aap wone ti ndak-ndak eerit nogwe, It aakumi ndarak nen wone ti, nggirik-nggerok porogo wonogwe, Eeko logonet, Nogo 6 yippunuk, ko'lu yonggonggologo logorak wone taganogo pega'lek ndak-ndak eekwi, Maluk eeka'lek abe mban eerit nugwi, Eekwi iinok, Inale'nggen logogun o,” yinuk, yegerak o.

Ala Unde 19:16

Naliku ALA an aret me, inoreewi inabok mbanggo logonet, miyuk-meya eerogo piigwi, inooriyak nduk koonggwi iigak, Inobaalombok o, yinuk, teppiigwi, eeriyak mage o.

Matiyut 7:12

Kit nen, Ndogop eeppinanuwak lak ao, mbako monggotak nogo ndak-ndak aret eeppiigo logonip o. Ala wone yugu Muta nen liiru mbaneegerak inom, it Ala nen yorage kagak yoraga inoone yugu inom, eebe ti aret me, eeko logonip o,” yinuk, yoragagerak.

Oroma 1:30

nabok-kabok yogwe, “Ala abu nineebi o,” yogwe, worokot-laakot agan nugu logonet, “Aap nggwok eekkola,” yinuk, wogoppatit nugwi, maluk eeriyak iniki mondok aberak wonogwe, inagalomini-inogobamini inoone taganggwi,

Oroma 12:17

Maluk onggo-onggo eeko logogup o. Ata, aakumi nen obeelom eeriyak mbakwi nogo mban eeko logonip o.

Oroma 13:10

It kinom wonogwe kiniki kunik aganakwi ti, maluk eerogo piyoorak nduk, eekulik o. Togop aret me, niniki-kiniki kunik eerit nogwe ti paga wone yugu liiru mbanak nogo a'me aret nggelok ari menggerak.

Titut 3:2

Aap ambi miyuk-meya eerogo pugwi, ndugwi pugwi, eeko logorak ti mage o. Ata, iniki yanggonak logonet, yi aap ndi aap abok aret inabuwa mbako logowak nduk, yorage logot o.

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.

3 Yaya 1:11

Noreeluk niniki kunik yi wae! It maluk eeko menggaarak nogo kat ndak-ndak eeke logogun o. Ata, it aap obeelom eeko menggaarak nogo ndak-ndak mban eerit nage logot o. Aap ambi obeelom eeke menggerak kenok ti, Ala nen ndareegerak aret mbariyak kwe, at maluk mban eeke menggerak nogo nen perak, Ala mondok liippega'lek aret menggerak o.

1 Tamuwen 24:11

Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,