Ndawi 149:3 - Ala Wone Peenok Peebi Mbanak

^3-4 Aliku ALA nen at apuri inikilom mbake, Aap iniki tebenak, “Wi!” yogo logowak nen Nggare-nggare yippiigo mengga kwak Ineegin tiyak yuwak nduk, eeppiige, Eeke menggerak me, At endage tiyappogo logonet, kwirabik-kwirabok yogwe, Ale'nggen kaawak nduk, lobale inom, nggitat inom, Oone eeko logonet ndawi wakwi, Eeko logowak o.

Ndawi 149:3 ပူးပေါင်းရင်းမြစ်များ

2 Tamuwen 6:14

Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

1 Mbinineegwaarak 16:42

Ala alut eekwi iigak, at Keman Yerutun imbirak nen oone nggwok eeka trompet nogo, oone pu eekwi, togolowak tabak pu ndale eekwi, yi oone ndi oone eekak nogo inom oone eekwi, eeko logorak unde eeppiige, ndi, at Yerutun apuri nogo, tu unggwogo menggam arum wako logowak nduk, unde eeppiige, eereegerak.

1 Mbinineegwaarak 25:6

At Keman apuri ti, abok aret nen Aliku ALA awi wurik me Ala alut eeko logonet, it nen togolowak tabak oone pu ndale eekak inom, nggitat nggwok inom, mbuuluk inom, eeko nogogwaarak me, inogobamini yorogwe iinok eekwi, ndi, it inogobamini Atap inom, Yerutun inom, Keman inom, ti, aap endagembogut nen yorage kenok, eekwi, eeko nogogwaarak.

2 Mbinineegwaarak 20:28

Unggwi wogo nogogwaarik, nggitat nggwok inom, mbuuluk inom, eekwi, ndi, oone nggwok eeka trompet nogo oone pu eekwi, eerit Aliku ALA awi wurik me ari nogogwaarak.

2 Mbinineegwaarak 29:25

Kilirogo pogo mbareegwa, “Ndogop eeko logowak o,” yinuk, at Aliku ALA nen aap abinggaanggo paga yoge kenok endagembogut yoga Nggat nogo inom, Ala nen yoge kagak yoraga Natan inom, at nen yorage kagak, Ndawut yogo mbareegwa, at Ndawut nen koonogo pereegerak ndak-ndak aap endagembogut nogo nen aap Lewi mendek togolowak tobak oone pu ndale eekak inom, nggitat mbuuluk mendek inom, nggwok mendek inom, ko'nok Aliku ALA awi wurik me li'luk aago logowak nduk nappiyareegerak

Etara 3:10

It aap o wuka nen Aliku ALA awi nogo owak wurakwi iigak, aap Ala unde nogo nen Ala awi wurik me eeko logonet, inayum yirika nogo mendek yirippunuk, oone pu eeka trompet nogo waganggwi, ndi, aap Lewi mendek Atap apuri nen togolowak tabak oone pu ndale eekak nogo waganggwi, eeko nogogwaarik, Aliku ALA alut eeruwok nduk, Iterali inowe endagembogut Ndawut yorage nagagerak ndak-ndak mi'nogogwaarak.

Ndawi 30:11

Kat nen nale mbanogo paninuk Nale'nggen nen ndawi lubuk yikit nduk eerogo panege, Nayum nibinik maluk mendek yirik nogo nggoorogo paninuk, Nale'nggen mbarikit nduk, yum abe kwak yippanege, Eekendak me,

Ndawi 33:2

Wako logonet, nggitat paga Aliku ALA tiyappugwi, Aruk konenuwak nduk, nggitat agale 10 aago paga eekwi iigak ndawi wakwi,

Ndawi 81:2

Ndawi tiyanggwi iigak, oone lobale eekwi, Nggitat nggwok oone aberogon eekwi, Nggitat mbuuluk paga eekwi, Eeko logonip o.

Ndawi 81:3

Tut awo ngget penengge paga, Tut abu penengge kenok, ninale'nggen nen laago lariyak koonak nogo paga, Ndomba eyak paga oone pu eeko logonip o.

Ndawi 87:7

Aakumi apit aret kwirabik-kwirabok yogo logonet, “Ninawi alom kota Tiyon aret o,” yinuk, Ndawi paga o ti anep pogo logonet, Yiraakut negen inali-inale yogwe, Eeko logogun o.

Wundeegwaarak 15:20

Karun awuluk Ala wone yoraga kwe Miriyam nogo nen togolowak eenggime wagangge nagagerik, oone lobale eeke kenok, it kumi apit aret kwirabok yogo logonet, at eeke ndak-ndak eekwi iigak,

Yeremiya 31:13

Ti eeke eyom paga komologwe tawe inale'nggen nen kwirabik-kwirabok yogwe, Wologwe tawe inom, kumi-aap inanggok inom, inale'nggen nen togop aret lubuk agan nogwe, Eeko logogun o. Iniki puru aago logomenggaarak nogo, obaane'me iniki ale'nggen eerogo piige, Inale yogo logomenggaarak nogo, obaane'me iniki eyak wappiige, inale'nggen eerogo piige, Eerigin o.

Yeremiya 31:4

Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,

Owak Loongga 11:34

Inoorogo piige nagagerik, at Yepata nogo ame Mitapa wagagerak. Wage mbareegi, at apuluk kolaga nogo aret ogoba keyage wappuurak nduk, togolowak oone lobale eerit kwirabik-kwirabok agan endekem ka wundi nagagerak. At apuri alik ambi komologwe inom, wologwe inom, ambi ndaganabulik, we kolaga ambiriluk ti aret manggu lombok me, eereegerak. Apuluk ambiriluk nogo nen aret eeke ogoba nogo enegen kage nagagerik, ayum nibinik-ndelenak eerogo pake nagagerik, apuluk nogo yoge,