Ndawi 149:1 - Ala Wone Peenok Peebi Mbanak

¹ Aliku ALA tiyappogo logowok o. Aliku ALA ale'nggen kaawak nduk, Ndawi ngget pugu wakwi, Apuri ake leenak kuwak eerak inenggela'me nen at tiyappugwi, Eeko logowak o.

Ndawi 149:1 ပူးပေါင်းရင်းမြစ်များ

Ndawi 111:1

At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 116:18

“Kaliku ALA wokkirigin o,” yinuk, Kumbuk mbaneegirak nogo, Aakumi kat kapuri abok inigen iigak wokkege,

Ndawi 144:9

Ala wae. Kat nen mban It aap inendagembogut ineegin tiyappiige, Kayeloman Ndawut warogo pugwi iyo, ili eerogo pege, Eeke menggendak me, Karuk konenenok nduk, an ndawi ngget mendek tiyangge, Nggitat agale 10 aago paga eeke logonet, Ndawi kanep tenok-mbenok ari, Eerigin o.

Ndawi 148:1

Aliku ALA tiyappogo logowok o. Kit mbogut paga monggotak nen Aliku ALA tiyappogo logonip o. Kit o abu tiyanak menggim wonogwe nen at tiyappugwi,

Ndawi 22:22

Kendage wiganogo noreewi wonogwe me yoranet nage, Kapuri kuwak aago inenggela'me kendage tiyappege, Eerigin o.

Ndawi 22:25

Kat Ala eeke paga kapuri nggwok kuwak eerak inenggela'me nen kendage alut eeke, “An yogop eeke logogin o,” yinuk, Wone kumbuk mbaneegirak nogo, Inagabiti kombakwi inenggaanom paga ndak-ndak eeke, Eerigin o.

Ndawi 33:3

Ale'nggen kaawak nen ndawi iyaalok pugu nogo wakwi, Kinoone amburu paga nggitat eeko logonet, kinale'nggen nen keekok piyanggogwe, Eeko logonip o.

Ndawi 35:18

Ti eeke keenok, aakumi apit kuwak aago inenggaanom paga, “Wa!” yokkege, Aakumi abok kuwak eerak inenggela'me kendage tiyappege, Eerigin o.

Ndawi 68:26

“Ala apuri kuwak aago inenggela'me nen at endage tiyappugwi, Kit Iterali ombowologwe wiganak yi, Aliku ALA alut eekwi, Eeko logonip o.

Ndawi 89:5

Kaliku ALA wae. Kat iya tit eeke menggendak nogo, it mbogut nen, “Wi!” yinuk, pi wakkakwi, It kapuri alik leenak kuwak aago inenggela'me Kat liirogon eeppiinet nage menggendak nogo, Kendage tiyappagagwi, Eeko menggaarak o.

Ndawi 96:1

Kit aakumi abok nggween paga wonogwe yi wae. Aliku ALA konenuwak nduk, ndawi wakwi, Aliku ALA liippuwak nduk, Kit ndawi ngget pugu tiyanggwi,

Ndawi 98:1

At Aliku ALA nen Yi eekak ndi eekak iya tit eerit nage logonet, At eenggi abe'nggan omaawi paga, At eenggi abu woloonak paga, Eegin tiyak yegerak me, Ndawi ngget at anep pugu wako logonip o.

Yetaya 42:10

Kit aakumi nggween irip-irip wonogwe yi, wae. Ndawi ngget mendek Aliku ALA ake wakwi, At mban alut eekwi, Eeko logonip o. Kat niyo laut kinikime wonogwe kinom yi wae. At alut eekwi, Laut iniki me kit nggween ku'mbanak inom, it kit paga wonogwe inom, at alut eekwi, Eeko logonip o.

Iberani 2:12

“Kendage wiganogo noreewi wonogwe me yoranet nage, Kapuri kuwak aago inenggela'me kendage tiyappege, Eerigin o,” yinuk, yoge,

Wayu 5:9

ndawi ngget mendek wako logonet, “It aakumi inanebunu alitak lombok inom, inoone alitak lombok inom, inagabolo alitak lombok inom, yi aakumi ndi aakumi abok aret wonogwe kwe, Inenggela'me nen ambitak nggiginogo Ala apuri aruwak nduk, kat kooko mbareegwa, kamiya paga inonggo mbaneegindak ti paga mbuku pirik-perek aago keele 7 maarak nogo, kat nen waganogo piiniyak op aret o. It kat kamiya paga inonggo mbaneegindak nogo, ninogoba Ala abu'me piinok, Ala unde logonet, ake eeko logowak nduk leenogo mippiyareegindak me, Inendagembogut logonet, aakumi nggween paga ogu time wonogwe nogo wone lengganogo yorogo logogun o,” yinuk, at yogwi naruk konenggirak. Konengge nagarik, it inoweewi ineebe 24 nogo nen nggitat inom, togolowak mbuti emas paga ogobakkigirik obari abe kaga toolak nogo inom, inalitak lombok porogo logonet, ndawi paga yogwi iigirak o. Obari abe kaga togolowak mbuti emas paga toolak nogo ti, it Ala apuri ake leenak tamban eeko nogogwaarak inoone toolak negen aret kagarak.