Ndawi 148:14 - Ala Wone Peenok Peebi Mbanak

¹⁴ Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 148:14 ပူးပေါင်းရင်းမြစ်များ

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 145:10

Kaliku ALA wae. Yi mendek ndi mendek ogobakkigirogo piyareegindak nogo Abok aret kat mban, “Wa,” yokkugwi, Kapuri leenogo piyareegindak nogo nen kalut eekwi, Eeko logogun o.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Ndawi 89:17

Aap inomaawi paga inendage tiyak yogwe ti, kat eeppiige menggendak paga aret o. Ndi, nit ninomaawi ambik monggoorak nogo ti, Kat ninabuwa mbake menggendak paga age menggerak o.

Ndawi 89:18

Ninanggeemu kwak mulunogo pinanega ti, Kat Kaliku ALA aret o. Ninowe endagembogut nogo ti, Kikak Nakeelik Alik Leenak Iterali inogoba kat aret o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Yeremiya 17:14

Kaliku ALA wae. Kat tiyappagaga an aret me, Obeelom eerogo panege keenok, an obeelom aret age, An nagap ndake keenok, nagap ndarak aret wonage, Eerak aret logogin o.

Lukat 1:52

It aap inendagembogut wone lengganogo yorogo menggam nogome nen tebenogo piige, Ndi, it iniki tebenak menggaarak nogo tiyappiige,

Epetut 2:13

o nda negen aret wonogogutak kwe, Keritut amiya paga Ala kinom lambunogo pinagi wagagerak me, yogondak Keritut Yetut kinom kunik aret wonogo ogotik o.

Epetut 2:17

Kit nda negen wonogogutak inom, nit koorok wonogogurak nogo inom, “Paalungga muk warak me, lambuninip o,” yinuk, yo'nira wagagerak.

Epetut 2:19

Ti kenok noreewi o. Yogondak kit aap nggiru alik mendek wonogwe lek o. Kit ninom ndak-ndak Ala apuri aret me, mbogut paga ninaworak aret ogoorik o.

Pelaareegerak 10:21

Tam warak inagabiti warak mendek mondok iya tit eerit nage kinigen abe nen kogogutak nogo ti, kinogoba Ala aret me, at mban wogoppogo logonip o.

Pelaareegerak 4:7

Togop aret me, at Aliku ninogoba Ala korotok wonage me, nit kulinik-kalinik nggino yogo monggo kwak, aakumi ineebe nggwok wiganak ambi ngge nen inogoba togop yogwi wonage mbakop?

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.