Ndawi 147:6 - Ala Wone Peenok Peebi Mbanak

⁶ Aliku ALA nen it aap tebembiinok wonogwe nogo, Pilanogo mippiige menggerak kwe, It aap maluk mendek perak, Nggween paga inuut ngguluk nappiige menggerak o.

Ndawi 147:6 ပူးပေါင်းရင်းမြစ်များ

Ndawi 145:14

Kaliku ALA nen Aap abok aret yigeebu wanggwi iinok piginaka, Inuut wutik wonogwe iinok, pilanogo piiga, Aret menggendak o.

Ndawi 25:9

It aap iniki tebenak menggaarak nogo Tu obeelom paga wogoren nage, Kat kiniki mbake nogo mamunirage, Eeke menggendak.

Ndawi 37:11

Togop eerugun kwe, It aap iniki tebenak menggaarak nogo perak, Nggween yi, yate kwak aret kolaagun me, Obeelom eeppiige kagak, iniki ugun logonet, Inale'nggen alik negen mbako logogun o.

Ndawi 41:13

Togop aret me, Iterali inogoba Kaliku ALA nogo o! O aa'nduk nen, yogondak nen nok, peebi nen Mondok-mondok kendage tiyanak aret logowak o. Abet aret yagi o. Abet aret yagi o.

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Maleyaki 4:3

An aakumi koonogo piyoorak ne ti eyom paga aap iniyok liirubu aa'ngga eerogo pogo mengga kwak, it nen aakumi maluk eeka nogo iniyok aambiranogo piinet nogo logogun o,” yinuk, at Omaawi Lombok Menggerak Aliku ALA nen aret yegerak o.

Matiyut 5:5

It aakumi iniki yanggonak menggaarak nogo ti, Ineyate Ala nen, Wokkiraagin o, yinuk, abok yoragagerak nogo aret kolaagun me, Iniki ale'nggen aret mbako logowak o.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

1 Peterut 3:4

Ata, kumi inobaabut abu yanggonak iniki kwi'ndak nogo, alik ogolik mondok porogo wonogwe iinok, at Ala nen, “Kwe yi, ia o!” yinuk, iniki kundugu eeginake menggerak me, kit kinobaabut togop aret logonip o.

1 Peterut 5:6

At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,