Ndawi 147:2 - Ala Wone Peenok Peebi Mbanak

² Aliku ALA nen o Yerutalem obaane'me wurogo pege, It Iterali wogoren mbo piya nagagerak nogo kuwak eerogo piige,

Ndawi 147:2 ပူးပေါင်းရင်းမြစ်များ

Nekemiya 6:15

Tut Elun penenak tanggal 25 paga yugum pak abu aret wurogo pereegurak. Wukwi niigak nogo 52 aret yereegurak.

Nekemiya 6:16

Ndi, age yoboneegurak nogo, yi aakumi ndi aakumi ninaagan-ninambokan wonogwe nogo abok aret inigen kogwe, ninawim nogo inaruk konenggwi, eereegwaarak me, ninawim nen, “It inogoba Ala nen yeenggwaarage kagak, eekaarak kogo o,” yinuk, inoone lek puk aret ogogwaarak.

Nekemiya 7:4

O Yerutalem nogo, nggwok lombok nenaarak wonagagerak kwe, aakumi we mbuura'luk mban wonogwe, ndi, inawi kunduk wuka'lek aret wonogwe, eekwi me,

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 51:18

Eeriyak op mbake keenok, o Tiyon obeelom eerogo pege, Kota Yerutalem yugum pak wurogo pit nage, Eeru o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 27:13

Ndi, ne ti eyom paga mban oone nggwok eeka trompet nogo oone pu nggwok eeke kenok, it aakumi Iterali mendek o Atiyut kobak ogogwaarak nogo inom, o Metit mbo nappiya nogogwaarak nogo inom, puut alik leenak Tiyon kota Yerutalem nogome kuwak ari wogo logomenggaarik, Aliku ALA alut eeko logogun o.

Yetaya 56:8

Aakumi Iterali mbo piya nogogwaarak wonogwe me nen wogoren wagagerak Aliku Itok Menggerak ALA nen ari logonet, “An kuwak eerogo piyareegirak wonogwe iigak, It aakumi ando inom lambunna'nuk logowak nduk wogoren piya woraagin o,” yinuk, yegerak o.

Yetaya 62:7

O Yerutalem aa'nduk wonagagi kwak eerogo pege, It aakumi yi o ndi o abok aret nen Yerutalem tiyappuwak nduk, eeppege, Eeka'lek kagak, Kurumbi yoga'lek ugun puk logorak mage o.

Yeremiya 31:10

Togop me, it yi aakumi ndi aakumi Naliku ALA nen wone yorage yi, inaruk konenggwi, It aakumi o nda niyo aa'nggi paga wonogwe ti, apit aret yoranet nogwe, Eeko logorak nogo yi aret. At it Iterali mak eerogo piyareegerak nogo nen aret kuwak eerogo piya wage, Aap ndomba ndegeninaka kwak at apuri inarum wake, Eeke logogin ti aret.

Yeremiya 31:4

Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,

Yeremiya 32:37

Nanini lombok mbake, nanini kani kunik negen wunuk togon wungge, eeke logonet, napuri yi o ndi o mak eerogo nappiyaminggirak logowam time nen, abok aret kuwak eerogo piinok, iniyokan o yime piya wage neenok, it nen o yime iniki ugun tayenak aret logogun o.

Yetikiyen 38:8

Ne ambik ari nage kenok, at ambi nen wim eeriyak nduk yonggo pigin o. Peebi tahun ambik eeppunuk, o ambime wim eeko logonet, pup eerogo pereegwam obaane'me wurogo pugwi, aakumi time mendek it aakumi inanebunu ambik lombok inenggela'me wonogwe me nen kuwak eerogo Iterali wonogo menggam puut-puut yi oone lek ndi oone lek agagim nogome piya wagagerak time wonogwe, eeko menggam nogome tebeni woraawak nduk, yorigin o. It aakumi o time wonogwe nogo ti, yi aakumi ndi aakumi inenggela'me nen wumbiyaminggirak inanggween paga time it abok aret iniki ugun tayenak aret wonogwe me

Ndaniyen 9:25

Wone yokkege yi, kinikime mondok liippege, liirogon wagangge, eeke logot o. O Yerutalem obaane'me mondok wuriyak o, yinuk, wone lengganogo wumbemenggerak kuli nen nok, at Ala nen leenogo punuk amburu eeppereegerak aap endagembogut nogo woroorak eyom kuli ti, tujuh kali tujuh inom, enam puluh dua kali tujuh inom, eerigin o. Ti eerit nage kagak, o Yerutalem maluk aago wonage nogo obaane'me wuko logonet, tu koonogo yarit nogwe, yugum pak yengget-wangget wurogo pit nogwe, eerugun kwe, aaninggin inoba piigwi iigak eeko logogun o.

Mika 4:6

Aliku ALA nen ari logonet, “Ne ti eyom paga an nen it inendop yilugu negen nogo kuwak eerogo piya wage, It mbo piya nogogwaarak wonogwe nogo, ambit me wonggonogo piya wage, Aaninggin-paaninggin inoba piyareegirak nogo, kuwak eerogo piya wage, Eerigin o.

Takariya 8:7

At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Pelaareegerak 30:3

at Aliku kinogoba Ala nen kinabuwa mba'nuk, kit aakumi inenggela'me mak eerogo pinagamenggerak nogo kuwak eerogo wokkiren kiniyokan pinagi wage logomenggerik, aa'nduk wonogogutak togop nogo aret obeelom eerogo pinagagin o.