Ndawi 147:14 - Ala Wone Peenok Peebi Mbanak

¹⁴ At nen kiniki ugun tayenak logomunggup nduk, Kinawi paga obeelom eerogo pege, Ndonggorogon nonggo logomunggup nen Kinambi gandum abe kenok mban wokkirage, Eeke menggerak o.

Ndawi 147:14 ပူးပေါင်းရင်းမြစ်များ

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

Ndawi 122:6

Kat Yerutalem kiniki ugun tayenak logonok nduk, Kake tamban eeko logonet, “Aap iniki kunik eekkako menggaarak nogo Iniki ugun tayenak wonogwe,

Ndawi 132:11

Kaliku ALA nen wone kumbuk mbanogo Ndawut yoge, Lek arigin lek a'me aruwak nduk, kumbuk mbanogo yoge, Eeke logonet, “Kat kaput ambi ndaremenggendak nen Kat wone lengganogo yorage menggenom Kwippiminggirak wone lengganogo yorage logogin o.

Ndawi 132:15

An nen o Tiyon yime Yi mendek ndi mendek kalo logonogo wogoge, Aap o yime ineenggi lek tebenak wonogwe nogo Inambi ndonggorogon nawak nduk wogorage,

Ndawi 29:11

Aliku ALA nen at apuri omaawi eeppiige, Iniki ugun tayenak logowak nduk, Aliku ALA ale'nggen inoba piige, Eeke menggerak o.

Ndawi 81:16

Kit an napuri nogo perak, Gandum abe mendek namunggup nduk wokkirage, Yugum enoona nen nggiin amburu ndonggok togon namunggup nduk wokkirage, Ee'ne, mbakirak kwe, Lek me, Ao, mbake agarik o,” Yinuk, yoragagerak.

Yetaya 66:12

At Aliku ALA nen yegerak yi aret o. “Niyo nggwok porok ari lek nage mban menggi kwak, eebe obeelom nu'lek logowak nduk, eeppi wage, Niyo wuketak ilin-unggut ee'nuk wage menggi kwak, aakumi inanebunu lombok inamindik-inamendek wonok iri woraawak nduk nappi wage, Eerigin me, At elak kuninake, ayum paga yonggorinake, kilirogo piinok leeninake, Eerigin o.

Yetikiyen 16:13

Mbuti emas-perak paga obaanggi-obaangge li'luk eerogo pege, ayum abu yawenak inom, onggo nggwok inom, yabenggek-ndabenggek eerak inom, yirippege, ndi, at nengge logorak ti, gandum yigirik abu abe inom, nggiin amburu inom, tayitun amburu inom, abu li'luk eerogo wogoge, eereegirak paga eebe abu kigirikwe lombok a'nuk, kwe nggwok aap endagembogut akwe negen aret agagerak.

Yetikiyen 27:17

It Yekura mendek kunduk, it Iterali mendek kunduk, nen at inom inamendek onggo-onggo eeko logonet, gandum o Minit mendek inom, yibinggami inom, nggiin amburu inom, tayitun amburu inom, obari abe kaga inom, paga nen amendek onggo mbanggologwe,

Ala Unde 26:6

Inale'nggen paga iname ugun obeelom logowak nduk, eeppiyaagin me, inagabiti mbaka'lek iniki ugun nogo yugun o. Ndi, ta'ngge anini warak mendek iname nen mugogo nappege, inom wim mbanak nogo wogwe iyo non mbanogo piige, eeke neegak,

Takariya 9:8

Togop kwe, at Aliku ALA ari logonet, “It aap wim eeka nen o yi, unggwi wogwe, wundi nogwe, eeko logonet, an nawi wurik maluk eerogo pukwak, nawi wurik arum logogin o. Arum logonet, nenegen wonage me, it tebenogo piiga ambi nen an napuri tebenogo piya unggwogo logogun lek o,” yinuk, yegerako.

Pelaareegerak 32:14

Inaanggumi lembu-tapi, kambin-ndomba inelak amburu nunggwi, Yilak amburu loonggo warak nunggwi, Inaanggumi kambin-ndomba inaagalogwe piirigalo mban nda'nogwe, Ndomba ngguunok abe awi o Mbatan mendek mban nda'nogwe, Gandum anggen abe li eerogo mban yege, Anggur amburu abu abe laambu toologo nunggwi, Eeko logowak nduk, Eeppiyareegerak o.