Ndawi 147:11 - Ala Wone Peenok Peebi Mbanak

¹¹ It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 147:11 ပူးပေါင်းရင်းမြစ်များ

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 33:22

Kaliku ALA wae. Nit kat paga mban niniki lunik wonogwe me, It kiniki kunik mban eeginabit wundi wage menggendak nogo kwak, nit togon togop aret ee'ninake logot o.

Ndawi 35:27

Aakumi nen, “Aap yi maluk eerulik abe, Yuwak lak, ao,” Mbakwi nogo Kaliku ALA togop ari keenok, Inale'nggen nen keekok piyanggogwe, “At ayeloman obeelom logowak nduk, Inikilom mbake Aliku ALA nogo Endage tiyappogo logowok o,” yinuk, Mondok-mondok aret yogwe, Eeko logowak o.

Kini Wuppiige 11:20

It aap iniki nggolawe iinok, Aliku ALA nen eebi lombok inombake menggerak kwe, It aap maluk inoba lenggenggulik kenok perak, inikilom inombake menggerak.

Kini Wuppiige 31:30

Kumi abe mbaruwak inoone yanggik-yanggok agan nugwi ti, pilit aret yogwe, Ndi, inete kigirikwe ti, maluk ariyak kagak wonogwe, Eeko menggaarak kwe, Kwe ambi nen Aliku ALA agabiti mbake kenok perak, tiyappogo logowok o.

Yetaya 62:4

“Kwe mbo pugu o,” yinuk, yokkugwi, O kat wonage menggenom ti, “Kugume o,” yogwe, Eeko logogun lek o. Aliku ALA iniki kunik eekkabigin me, kendage ti, “Ala Imbirak Kunik o,” yokkugwi, Ndi, o kat wonage menggenom ti, ogonggelo negen kolaagin me, “Ogonggelo Warak o,” yinuk, yogwe, Eeko logogun o.

Tepaniya 3:17

Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.

Linggineegwaarak 14:8

Ndi, at Aliku ALA nen inikilom ninombake kenok, time wo'niren pinani nanuk, nggween nggiin amburu inom, yilak amburu inom, niyo eneeri negen kila-kila wungge menggim time aret wo'niraagin o.

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.

1 Peterut 3:4

Ata, kumi inobaabut abu yanggonak iniki kwi'ndak nogo, alik ogolik mondok porogo wonogwe iinok, at Ala nen, “Kwe yi, ia o!” yinuk, iniki kundugu eeginake menggerak me, kit kinobaabut togop aret logonip o.