Ndawi 147:10 - Ala Wone Peenok Peebi Mbanak

¹⁰ At nen kuda omaawi mendek inikilom mbake, Aap inogowa ambik iniki kunik eeginake, Eekeelik o.

Ndawi 147:10 ပူးပေါင်းရင်းမြစ်များ

2 Tamuwen 1:23

Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

Ayup 39:11

It inomaawi ambik me, it paga kiniki panggonak wonage, Nake eeko logowak o, yinuk, yabu aaninggin kenok inoba piige,

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Kini Wuppiige 21:31

Wim eeriyak age kero, kuda paga panggombunuk pipuk eerogo pogo menggaarak kwe, Ineegin tiyappege menggerak nogo ti, Aliku ALA nen aret o.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Oteya 1:7

It Iterali mendek togop aret eerogo piyaagin kwe, it aakumi Yekura mendek perak, inabuwa mbake, inagap ndake, eeke logogin o. Ti eeke logogin nogo ti, yigin paga, wooluwak paga, wim eekwi paga, kuda paga, it aap kuda paga kwi'na'nuk wim eeka paga, inagap ndarigin lek o. Ata, inogoba Naliku an ALA nen aret inagap ndake logogin o,” yinuk, yoreegerak.

1 Tamuwen 16:7

Aliku ALA nen Tamuwen yoge, “An nen aap ti, miirulik me, kat nen aap etenggen inom, eebe nggorek paga inom, liippunuk, mippugun o. An liippege minggirak nogo ti, aakumi nen liippiigo menggaarak ndak-ndak lek o. It aakumi nen ineebe paga liippiigo menggaarak kwe, an perak, aakumi inikime lombok liippiige minggirak o,” yoreegerak.