Ndawi 147:1 - Ala Wone Peenok Peebi Mbanak

¹ At Aliku ALA tiyappogo logowok o. Ndawi wako logonet, ninogoba Ala tiyappogo logorak ti, Abu obeelom aret o. At tiyappugwi paga ale'nggen ee'ninake me, At tiyappogo logorak ti op lombok aret o.

Ndawi 147:1 ပူးပေါင်းရင်းမြစ်များ

Etara 3:12

It ando inale'nggen nen keekok yogwe iigak kwe, it inanggok Ala awi aa'nduk wurik inigen kogo nogogwaarak aap Ala unde inom, aap Lewi mendek inom, it aap ndarak ndegek inoweewi inom, nen o nogo owak wurakwi inigen iigo nogogwaarik, inoone nggwok paga le yereegwaarak.

Ndawi 135:3

At mendek logowak nduk, Aliku ALA nen Yakup miirogo pege, Iniki kundugu lombok logowak nduk Iterali leenogo pege, Eereegerak paga Aliku ALA abu obeelom mban wonage me, tiyappugwi, It aakumi at endage kunggo logonet, Inale'nggen kogo menggaarak me, at endage tiyappugwi, Eeko logonip o.

Ndawi 33:1

Kit aap kiniki abe monggotak yi wae. It aap iniki koonak nen At alut eeko logorak op me, Aliku ALA eekkinake paga Kinale'nggen nen ndawi wako logonip o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Ndawi 92:1

Kat Tiyanak Lombok Menggendak yi wae. Kaliku ninogoba ALA, “Wa,” yokkugwi, Kendage tiyappagago logonet ndawi wakwi, Eeko logorak ti op aret o.

Ndawi 92:2

Nggitat agale 10 aago paga inom, Nggitat oone abe eeka paga inom, Eeko logonet, Lek aga'lek kiniki kunik mban ee'ninake nogo Kubondendok paga yorogwe, Yoraga'ndak li'luk eeppiige nogo Oonikiya paga nen yorogwe, Eeko logorak ti kunduk op aret o.