Ndawi 146:8 - Ala Wone Peenok Peebi Mbanak

⁸ Aliku ALA nen aap inigen mbuk kenok, Inigen obeelom eerogo piige, Aliku ALA nen aap inuut wandunik wonogwe nogo inuut pilanogo piige, Aliku ALA nen aap iniki abe koonak kenok, Iniki kunik aganake,

Ndawi 146:8 ပူးပေါင်းရင်းမြစ်များ

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 145:14

Kaliku ALA nen Aap abok aret yigeebu wanggwi iinok piginaka, Inuut wutik wonogwe iinok, pilanogo piiga, Aret menggendak o.

Ndawi 147:6

Aliku ALA nen it aap tebembiinok wonogwe nogo, Pilanogo mippiige menggerak kwe, It aap maluk mendek perak, Nggween paga inuut ngguluk nappiige menggerak o.

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 42:18

Aliku ALA nen ari logonet, “It aap inaruk logu ti, inaruk liirogon konenggwi, It aap inigen mbuk ti, inigen kaawak nduk pekkogwe, Eeruwak o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 9:30

yorage mbareegi, inigen obeelom aret ogogwaarak. Obeelom ogo mbareegwa, Yetut oone omaawi togon yorage logonet, “Eekkinakirak yi, aakumi abu yoraagup o.”

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

2 Korindut 7:6

it aakumi iniki wakkologwe iinok, iniki eyak wappiige menggerak Ala nogo nen, nit niniki eyak wappinanuwak nduk, aap Titut nappi wagaarak.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.