Ndawi 146:5 - Ala Wone Peenok Peebi Mbanak

⁵ “Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 146:5 ပူးပေါင်းရင်းမြစ်များ

Ndawi 144:15

It aakumi ti, ti ndak-ndak Obeelom mban wonogo menggaarak kenok Inale'nggen aret mbakwi, “Ninogoba Ala ti, Aliku ALA aret o,” Mbakwi nogo kunduk inale'nggen aret mbakwi, Eeko logowak o.

Ndawi 20:8

It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Ndawi 39:7

Togop aret eeko menggaarak kwe, Ala wae. An perak, ta tokkage logogin o? Lek o! Kat paga niniki lunik aret agarik o.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 46:7

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 46:8

Aliku ALA eeke menggerak liippi wogwe, O nggween paga lek eerogo puurak eeke yi, pekka wogwe, Eeko logonip o.

Ndawi 71:5

Kaliku Kitok Menggendak ALA wae. An wulaga tawe paga nen nok, yogondak kuli niniki kat paga lunik wonage, Kat paga niniki panggombunuk wonage, Eeke agarik o.

Ndawi 84:12

Togop aret me, Komaawi Lombok Menggendak Kaliku ALA wae. It aap iniki koba panggombunuk menggaarak nogo inale'nggen aret wonogo logogun o.

Ndawi 84:8

Komaawi Lombok Menggendak Kaliku Ala wae. An tamban eeke yi, karuk konengge, Yakup ogoba Ala wae. Noone yokkege yi, liirogon aret konengge,

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Kini Wuppiige 16:20

Aap ambi nen wone at mamunege nogo liippege kenok, obeelom aret eekkolage, Ndi, aap ambi iniki Aliku ALA oba panggombege kenok, ale'nggen aret mbake, Eeke menggerak.

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.