Ndawi 145:21 - Ala Wone Peenok Peebi Mbanak

²¹ Togop aret me, an nen, “Aliku ALA abu tiyanak o,” yinuk, ari logogin o. Yi mendek ndi mendek inamiya warak abok aret At endage abu abe alik leenak nogo mondok-mondok tiyappogo logowak o.

Ndawi 145:21 ပူးပေါင်းရင်းမြစ်များ

Ndawi 103:22

At unde menggim yi awi ndi awi abok yi mendek ndi mendek ogobakkigirik yi wae. At Aliku ALA tiyappugwi, Eeko logonip o. Ndi, niniki yi wae. Kat kunduk at Aliku ALA tiyappege logot o.

Ndawi 145:5

Kat tiyanak kobaanggi-kobaangge li'luk eerak keenok, Aakumi nen, “Wi,” yogwe nogo yorogwe, Eekwi iigak, Eerubok mendek eeke menggendak nogo ninikime koonit nage,

Ndawi 150:6

Yi mendek ndi mendek inambe aagi warak abok aret Aliku ALA tiyappogo logowak o. At Aliku ALA tiyappogo logowok o. 407

Ndawi 30:12

Noone puk logogin lek o. Niniki paga nen kanep pege logonet, ndawi wake, Ndi, Kaliku nogoba Ala wae. An mondok-mondok, “Wa!” mban yokkege, Eeke logogin o.

Ndawi 51:15

Nogoba wae. Noone yuurak meek agaarak nogo teeluk eerogo panu o. Teeluk eerogo panege keenok, Kendage tiyanak nogo paganogo yoranet nege logogin o.

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Ndawi 69:35

At Ala nen o Tiyon ili eerogo pege, Yekura menggam kota-kota abok aret obaane'me wurogo pege, Eerigin o. Eeke kenok, at apuri o ti, ye mbambatinuk wonogwe,

Ndawi 71:15

Kubondendok nen nok, oonikiya ari nage kagak, “At abe koonak mban eerit nage menggerak o,” yinuk, agan nage, Aakumi inagap ndarogo piyoorak kuli pegendak nogo, Neenggo'lek kwe, yoranet nage, Eeke logogin o.

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Ndawi 86:9

Nogoba o. Kat Ala kalik aret wonage, Abu nggwok lombok wonage, eerubok mendek eeke, Eeke menggendak me, Yi aakumi ndi aakumi ogobakkigirogo piyareegindak nogo Abok aret wogo logomenggaarik, Kat kabu'me tebe yinuk, kalut eekwi, Kat kendage kunogo tiyappagit nugwi, Eeko logogun o.

Ndawi 89:1

Kaliku ALA ninabuwa nen Kiniki kunik ee'ninabit wage menggendak nogo, Ndawi paga mondok-mondok tiyangge, Yo'niraga'ndak li'luk eeppinanege menggendak nogo, Ninapuri-ninombowologwe nda'narit wundi wogwe nogo, Noone paga yoranet nage, Eeke logogin o.