Ndawi 144:2 - Ala Wone Peenok Peebi Mbanak

² At nen aret nabuwa mba'nuk narum wake, Nayugum pak wurik kwak wonage, Nayugum pak wurogo pereegi kwak wonage, An nagap ndarogo panege, Neebe op logokit nen nanggeemu kwak mulunogo panege, Ndi, yi aakumi ndi aakumi nabu'me piya wage, Eeke menggerak o.

Ndawi 144:2 ပူးပေါင်းရင်းမြစ်များ

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 18:47

It an nookwi nogo onggo inooke, It aakumi inanebunu lombok nabu'me piya wage,

Ndawi 59:9

Nomaawi eeppanega yi wae. Kat nogoba Ala nabuwa lombok mbake, Ala wae. Kat nayugum pak wurik kwak wonage, Eeke menggendak me, An kat paga panggonak wonage agarik o. Tu ni'neren nage, It meek eerogo panugwi nogo kat eeppiige nenegen iinok, “Kayik a! Op togon eeppiigi,” yikit nduk eeppiige, Eerumunggun o.

Ndawi 84:9

Ala wae. Nit ninanggeemu kwak kat aret me, Aap kat amburu kilirogo mippereegindak nogo abuwa nen pekkage, Eeru o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yeremiya 16:19

Kaliku ALA wae. Kat komaawi eeppanega, Nobak wurik kwak wonaga, aaninggin noba age kenok, neebe op logokit nduk, kabu'me panega, kat aret o. Yi aakumi ndi aakumi kat kowagam ari wogwe, O nggween irip-irip me nen kat keya wogwe, Eeko logomenggaarik, Kat yokkogo logonet, “Ninombomini ti, abe mendek ambi porogo logolik o. Ata, inambokan lagangga abe eeppiyoorak lek aanom warogo kagak inagugiwak ti mban porogo wonogogwaarak o.