Ndawi 144:14 - Ala Wone Peenok Peebi Mbanak

¹⁴ Ninaanggumi lembu-tapi inabila nggween paga nikkenok nugu nagaatik, Aambiranogo piiga'lek obeelom mban ndaganakwi, Eeko logogun o. Ndi, ninawim nen ninawi paga kwi'nari unggwogwe, Ninookwi iinok, le yogwe nogo konenggwi, Eeka'lek Ninale'nggen paga mban wonogo logogun o.

Ndawi 144:14 ပူးပေါင်းရင်းမြစ်များ

Ayup 39:11

It inomaawi ambik me, it paga kiniki panggonak wonage, Nake eeko logowak o, yinuk, yabu aaninggin kenok inoba piige,

Yetaya 24:11

Anggur amburu lek agaarak me, “Wo'niraanip o,” agan tu nggwok paga nugwi, Inale'nggen mbarit nugwi nogo lek age logonet, iniki aaninggin ndugu agan wangge, O nggween paga ale'nggen inikime nggelok ari logonet agan nugwi nogo mondok lek age, Eeke kagarak o.

Yetaya 65:19

O Yerutalem ogobakkigirogo piminggirak nogo paga nale'nggen mbake, An napuri o time wonogwe paga nale'nggen mban mbake, Eeke logogin me, O time nen, Yeenggwa niret o, yinuk, inoone nggwok paga yogwe, leenggu maakwi, Eekwi nogo inoone ambinom konenggo logogun lek o.

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Yeremiya 14:2

“It Yekura mendek iniki puru yogwe, Inawi kota-kota aakumi nebet-ndalok agan nega'lek wonogwe, Nggween paga nden-wan yogo logonet le yogwe, It Yerutalem wonogwe nen yeenggwaaraawak nduk, inoone nggwok paga Ala yogwi, Eeko agaarik o.

Ala Unde 26:6

Inale'nggen paga iname ugun obeelom logowak nduk, eeppiyaagin me, inagabiti mbaka'lek iniki ugun nogo yugun o. Ndi, ta'ngge anini warak mendek iname nen mugogo nappege, inom wim mbanak nogo wogwe iyo non mbanogo piige, eeke neegak,

Pelaareegerak 28:25

Kit nen kinawim inooriyak nduk tu ambit eeppunuk nogwe me, at Aliku ALA nen tebenogo pinagage kenok, kinawim nen kinoorit wogwe iigak, kit tu 7 paga kinalitak lombok mbaganit namunggup o. Mbaganit nogwe it yi aakumi ndi aakumi inabu'me piigo menggam o nggween paga yime menggaarak abok aret nen inigen kiigo logomenggaarik, Yi eeginakerak mbaganggwi iya, yinuk, kinabok mbanggo logogun o.

Pelaareegerak 28:7

Kinawim nen kinooriyak nduk, tu ambit eeppunuk, woramenggaarak kwe, kinigen kiigak, at Aliku ALA nen tebenogo piige kenok, kit kinowagam nen tu 7 paga inalitak lombok mbaganit nawak nduk, eeppiige,

Owak Loongga 5:8

Iterali nen Ala obaane'me alik mendek ambi miikwi iinok, Inawim nen inooruwak nduk, inaru pak paga wagaarak kwe, Aakumi Iterali ineebe empat puluh ribu inenggela'me time Inarin inawooluwak lek aret iigirak kwe,

Owak Loongga 6:3

Wonogo logonet, it Iterali mendek kulinik-kalinik yabu eeppunuk, yi mendek ndi mendek yakaatak nogo op age kenok, it aap Miriyan mendek inom, Amalek mendek inom, aap ando karume oonegen lagi wage menggim pa'nggwe wonogwe inom, nogo nen o tebenggolaawok nduk, wogo logonet,

Owak Loongga 6:6

Piinet nogo logonet, aakumi Iterali mendek ineenggi abu lek eerogo piigo mbareegwa, it Iterali mendek nen, “Yeenggwa niret o, ninogoba,” yinuk, inoone nggwok paga Aliku ALA nggino yogo nogogwaarak.

1 Tamuwen 31:7

Ndi, it aakumi Iterali mendek o kobappaga wonogogwaarak nogo inom, yi Yoraran enebaga time wonogogwaarak nogo inom, it nogo nen at Tawun apuri inom kanggwi, ndi, it Iterali ineegin warak abok aret mbaganit nogwe, eekwi iigo nogogwaarik, inawi kota-kota mbo punuk mbaganggwi iigak, it aap Pilitin mendek nogo, o nogome aret tebenggola unggwi na'nuk, time aret wonogogwaarak.