Ndawi 143:6 - Ala Wone Peenok Peebi Mbanak

⁶ Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 143:6 ပူးပေါင်းရင်းမြစ်များ

Ayup 11:13

Togop aret kwe, Kat yi, kiniki pipuk eekkolage, Ala o, yinuk, tamban eeke logonet, keenggi nippege,

Ayup 7:2

It nogo ti, Aap ambi ayeloman mini nen, O nggun lamunninabi woraawak lak, Ao, mbakwi, Aap yabu eekaatak onggo kolaga nen, Onggo koloorak, iniki lunik wonogwe, Eeko mengga kwak Aret wonogwe nogo lek a?

Ndawi 42:3

Kubondendok nen nok oonikiya ari nage kagak, It aap nen, “Kogoba Ala nggeeme wonage o?” Yo'nugwi tit iigak, Liingge oonikiya nambi-mbiingga nengge pogom Nale amburu mban wangge agaarik o.

Ndawi 44:20

Nit nen kat ninogoba Ala kendage mari eerogo pugwi, Kat kobaane'me kugi nen ambi eeppinanuwak nduk, Nggino yogwi, Eeko logonetak en,

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Ndawi 88:10

It kambeegwaarak inigen kaawak nduk, Eerubok mendek eeke menggendak ya? It kambeegwaarak ineenik a'nuk, “Wa!” yokkogo menggaarak ya?

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Wundeegwaarak 9:29

Yorage mbareegi, it nen at yogwi, “O nggween yi, Aliku ALA mban unde menggerak keenu arenok nduk, o ngguurubu eeke nogo lek age, o mayu kumulinggen wangge nogo mbangge, eeruwak nduk, an o kota yime nen wundi nage logominggirik, neenggi titik eerogo Aliku ALA yori nagin kwe,

Yetaya 35:7

Mbini aganggen wonage nogo niyo nen yenggenogo pege, Niyo yawengga'lek nggween mbuk aago wonage nogo niyo tuburubu lagit wage, Ndi, o aa'nduk mba'ngge inawi miippatinuk wonogogwam nogome piinde inom, mbereewak inom, lagangge, Eeke logogin o.

Yaya 7:37

Ti'nuk, age yobok togon laago nggwok lombok lakwi paga at Yetut mi'nage nagagerik, oone nggwok paga yorage logonet, “Wologo wae! Kit ambi niyo abu kenok, an nowagam na woraanip o.