Ndawi 143:11 - Ala Wone Peenok Peebi Mbanak

¹¹ Kaliku ALA wae. Kat kendage maluk eerukwak, Eeppaniyak yereegindak nogo ndak-ndak neebe nili ari, Kat a'me nggelok eeke menggendak me, Aaninggin noba panugwi nogo te eerogo panege,

Ndawi 143:11 ပူးပေါင်းရင်းမြစ်များ

Ndawi 119:107

Kaliku ALA wae. Tebenogo panggaarak paga niniki andi ee'nake me, Koone yugu ndak-ndak nale'nggen mbakak nege logokit nen Teeluk eerogo panege,

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 119:88

Nabuwa nen kiniki kunik ee'nake menggendak ndak-ndak An neenik logokit nduk, nili ari keenok, Wone lengganogo wumbereegindak nogo An porogo logonet, eerit nage logogin o.

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 143:1

Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 25:11

Kaliku ALA wae. An maluk mondok nggwok lombok eekirak me, Kendage obeelom logowak nduk, Nomaluk ti lek eerogo panu o.

Ndawi 25:17

Niniki mondok aaninggin ee'nabit unggwagak mban eeke paga niniki andi negen ee'nake yi, Teeluk eerogo panu o.

Ndawi 31:1

Kaliku ALA wae. An neebe op logokit nduk, Kabu'me ari unggwagarak wonage me, nenggali arukwak teppanege mage o. Kat abu liirogon abe mban eeke menggendak me, An nagap ndarogo panu o.

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Ndawi 71:2

Kat abe koonak mban eeke menggendak me, Yeenggwa nege, mbaganikit nduk koonogo panege, Noone yokkege yi, karuk liirogon konembunuk nagap ndake, Eeru o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.