Ndawi 143:10 - Ala Wone Peenok Peebi Mbanak

¹⁰ Kat nogoba Ala aret me, Kat eeriyak mbake nogo mamunnake, Kimbirak menggendak abu obeelom Aberiniki nogo nen Tu kobappaga wo'neren nawak nduk, nappi wage, Eeru o.

Ndawi 143:10 ပူးပေါင်းရင်းမြစ်များ

Nekemiya 9:20

Mamunirage logowak nduk, Kaberiniki wogoraga'lek teppege, inambi abu aganake kagak, mbo piige, inagi abu aganake kagak, mbo piige, eerulik wogorenet wundi wage nagagindak me,

Ndawi 118:28

Kat nogoba Ala aret me, “Wa,” lombok yokkege, Kat nogoba Ala aret me, tiyappagage, Eeke logogin o.

Ndawi 119:12

Kaliku ALA wae. Kendage mondok tiyanak logowak o. Koone lengganak nogo an mamunnake logot o.

Ndawi 119:35

Koone, “Yogop ee'nu ndogop ee'nu,” yugu nogo, Eerit nage logorak ninikilom mbake minggirak me, Eerit nage logokit nduk, yo'nege,

Ndawi 139:24

An maluk eerit noorak ee'nake kero, pe'neege, Ineenik mondok-mondok wonogo menggam tu ti paga wo'neren nage, Eeke logot o.

Ndawi 140:6

Kaliku ALA wae. An nen, “Kat nogoba Ala aret,” yinuk, yokkege agarik o. Kaliku ALA wae. “Yeenggwa niru o,” yinuk, nggino yokkege yi, karuk konenu o.

Ndawi 22:1

Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 23:3

Niniki lek age kenok, obaane'me kwippanege, Kat kendage abe logowak nduk, Tu obeelom paga ni'neren nage, Eeke menggendak o.

Ndawi 25:12

Aap ta nen Kaliku ALA agabiti kombake menggerak? It aap inagabiti kombakwi iinok, It eeko logorak koonogo piigendak nogo liirogon mamunirage logomunggun o.

Ndawi 27:11

Togop me, Kaliku ALA wae. It tebenogo paniyak eekwi ineebe ambik wonogwe me, Tu kat eerit nage nogo titi'nege, Tu koonak paga pi'neren nage, Eeru o.

Ndawi 31:14

Togop aret kwe, Kaliku ALA wae. An perak, niniki koba panggombege, “An nogoba ti, Ala aret o,” yinuk, ari, Eeke agarik o.

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Yetaya 63:14

Tapi iri'ngga abe mbanogo nunggwi iinok, kobappaga yonggonggolaawak nduk piya wambi wogo mengga kwak, Aliku ALA Aberiniki nen o yonggonggologo menggam piya wage, Aliku ALA endage abu abe me, tiyappuwak nduk, apuri togop aret ndegeninake, Eereegerak nogo abereegwaarak.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

Linggineegwaarak 9:22

Ndi, ndugwi nogo ooliya wurik irimbaga naga'lek nogo mbere a, tut ambi a, tahun ambi a, taati wonage kenok, it Iterali mendek nogo, nogo logolik, time aret wonogo nagaatik, ndugwi nogo ooliya wurik me nen lagi nanuk nage kenok perak, nogwe, eerit nugu nogogwaarak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 15:30

Noreewi o. Nit abok Keritut abet mbakwi paga, Aberiniki eeppinanege kagak niniki-kiniki kunik wonogwe paga, an eerit noorak mbake nogo wakka'net unggwage me, kit an nake tamban eeko logobagip nduk, an, “Ao,” mbake logonet, yokkirage agarik o.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

Oroma 8:26

Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

Epetut 5:9

It eya paga logonet eerit nogo menggaarak anggen yugu nogo ti, aakumi obeelom eeppiinet nugwi, maluk eeka'lek Ala ari menggerak nogo ndak-ndak eerit nugwi, iniki mbere lek ambit logonet, inoone abet mban agan nugwi, eeko menggaarak me,

2 Timotiyut 1:7

At Ala nen niniki ninagabitinggut mendek wo'niroolik o. Ata, Aberiniki omaawi eeppinanege kagak ninagabiti lek logonet yorogo logorak mendek inom, aakumi niniki kunik aganaburak mendek inom, niniki warak mendek inom, wo'niragagerak o.

Iberani 13:21

at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.