Ndawi 143:1 - Ala Wone Peenok Peebi Mbanak

¹ Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 143:1 ပူးပေါင်းရင်းမြစ်များ

2 Tamuwen 7:25

Togop aret me, Kaliku Kitok Menggendak nogoba Ala wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o.

Ndawi 140:6

Kaliku ALA wae. An nen, “Kat nogoba Ala aret,” yinuk, yokkege agarik o. Kaliku ALA wae. “Yeenggwa niru o,” yinuk, nggino yokkege yi, karuk konenu o.

Ndawi 17:1

Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 31:1

Kaliku ALA wae. An neebe op logokit nduk, Kabu'me ari unggwagarak wonage me, nenggali arukwak teppanege mage o. Kat abu liirogon abe mban eeke menggendak me, An nagap ndarogo panu o.

Ndawi 71:2

Kat abe koonak mban eeke menggendak me, Yeenggwa nege, mbaganikit nduk koonogo panege, Noone yokkege yi, karuk liirogon konembunuk nagap ndake, Eeru o.

Ndaniyen 9:16

Ninogoba wae. Nit maluk eekwi paga inom, ninombomini maluk eeko nogogwaarak paga inom, it aakumi ninaagan-ninambokan wonogwe abok aret nen o Yerutalem endage maluk eerogo pugwi, ndi, nit kat apuri meek eerogo pinanugwi, eekwi me, kat obeelom eeppiinet nage menggendak nogo ndak-ndak kagota kabuut alik leenak menggerak o Yerutalem nogo kiniki aagi eeppege, kanini oba kwippege, eeke nogo mbo punuk, kena koonogo pe'niige logot o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.