Ndawi 142:4 - Ala Wone Peenok Peebi Mbanak

⁴ Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 142:4 ပူးပေါင်းရင်းမြစ်များ

Ayup 11:20

Togop aret kwe, It aap maluk mendek nogo aaninggin inoba age kenok perak, Inigen ogut aremenggaarak kwak logonet, Nggeeme mbaganubok, aganake kenok, Niniki worok togon kambuwok lak, Ao, yinuk, Iniki lunik ti mban aret agaarik o,” yinuk, yoreegerak.

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 140:6

Kaliku ALA wae. An nen, “Kat nogoba Ala aret,” yinuk, yokkege agarik o. Kaliku ALA wae. “Yeenggwa niru o,” yinuk, nggino yokkege yi, karuk konenu o.

Ndawi 141:9

It an nooriyak nduk, keele pegam nggerok ari, It aap maluk eeka nen ta'na kwak pegam nogome nggelok yi nage, Eerukwak, An pippanogo logot o.

Ndawi 143:4

An niniki lek-lek ee'nabit unggwage, Nogut nggigik ari logonet nagabelelaan mban wonage, Eeke agarik o.

Ndawi 31:11

An ee'nakwi paga nawim nen meek eerogo panugwi, An neenok ninom minggirak nen nogole yogwe, Noreewi ninom kunik kunduk, inogut nage, Ndi, tu paga nage me, inigen neenok kole mbaganggwi,

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Ndawi 88:18

An noreewi inom, ninom niniki kunik lombok inom, Tayorogon piya nage keegak, O apit nogo nore negen nimbirak kunik aret agaarik o.

Ndawi 88:8

Aap an ninom kunik nogo ogoo'naruwak nduk eeppiige, An nogole nombako logowak nduk, eeppiige, Eerogo panggendak wonage agarik o. An keele maarak negen wonage me, Wundi noorak meek aret logonet,

Yeremiya 18:22

It aap ti, an pi'nabuwok nduk labu kabunogo panugwi, Niyok yilunnabuwok nduk, keele pit nugwi, Eekaarak me, Inawi oonda mbanogo inooruwak nduk yonggo nappiyamenggendak wa'nuk yirik-wurik inoba kwi'nogwe iinok, Iname nen inoone ya-kwa yogwe konenuwak nduk eeppiyet o.

Yeremiya 25:35

Aap ndomba ndegeninaka ti, kole mbaganit o ambime ari nogwe, It ndomba inarum waka ti, inagap ndakko'nok kole ambime nogwe, Eerugun mondok lek aret o.

Yeremiya 30:17

Aakumi nen, It yi, Tiyon mendek abu mbo pugu o, yinuk, yorogwe me, an nen obeelom eerogo piige, Inawin amburu eerogo obeelom eeginake, Eerigin o,” yinuk, Aliku ALA nen aret yegerak me, yokkiragi o.

Yunut 2:8

It inagugiwak we aanom warogo kagak, pippatinuk, eerit nugwi ti, Kat inabuwa nen obeelom eeppiyoorak nogo, it mbo pugwi kwe,

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

2 Timotiyut 4:16

Aa'nduk, nawone mbaniyak nduk, eekwi me, noreewi ambi abu neya woroolik abok aret mbo paneegwaarak kwe, nowe Yetut nen perak, nimbirak logonet, niniki eyak wappaneegerak. An obeelom wone yorage logokit nduk, mippaneegerak nogo, ambi wuppulik tigitogon it aakumi endekem mendek abok aret konenuwak nduk, “An yoraakit o,” yinuk, mi'nage neegak, nowe nen mban nomaawi eeppanege, niniki eyak wappanege, eereegerak o. Togop me, maluk eeppaniyak mbakaarak nogo singa ambeme nen ndinggwi kwak, ndinnabeegerak. Ndi, noreewi mbo paneegwaarak nogo maluk inoba piige kero, Ala yoge minggirak.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,