Ndawi 141:9 - Ala Wone Peenok Peebi Mbanak

⁹ It an nooriyak nduk, keele pegam nggerok ari, It aap maluk eeka nen ta'na kwak pegam nogome nggelok yi nage, Eerukwak, An pippanogo logot o.

Ndawi 141:9 ပူးပေါင်းရင်းမြစ်များ

Ndawi 119:110

Towe yilunnaruwak nduk, keele pogo mengga kwak, It aap maluk mendek nen an togop eeppanugwi kwe, Eeko logorak koone yugu nogo An mbo punuk nomoninuk nageelik o.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 142:4

Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 38:12

It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Ndawi 57:7

Ala wae. An niniki abu nu'lek wonage, Niniki abu kwi'ndak lombok wonage, Eeke me, An ndawi tiyangge, kendage tiyappagage, Eerikit mbakirak me,

Ndawi 64:3

Inamili ti, wooluwak engget nggabunogo pugwi kwak me, It inoone paga nen nooruwak nduk koonogo pugwi, Maale irip paga wi perenak mba'mbak irogo mengga kwak, Inoone andiigwi paga nooruwak nduk li'luk eekwi,

Kini Wuppiige 13:14

Aap iniki warak wone mamunik mugurok nogwe ti, ineenik logorak alom aret me, Kanggwi keele pugume kagak nomoninuk inili eekko'nok mbaganggo menggaarak.

Yeremiya 18:22

It aap ti, an pi'nabuwok nduk labu kabunogo panugwi, Niyok yilunnabuwok nduk, keele pit nugwi, Eekaarak me, Inawi oonda mbanogo inooruwak nduk yonggo nappiyamenggendak wa'nuk yirik-wurik inoba kwi'nogwe iinok, Iname nen inoone ya-kwa yogwe konenuwak nduk eeppiyet o.

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.