Ndawi 141:8 - Ala Wone Peenok Peebi Mbanak

⁸ Togop kwe, Kaliku Kitok Menggendak ALA wae. Kat mban nengga loolo eeppaganuk wonage, Neebe op logokit nduk, kabu'me ari unggwage, Eekirak me, An kambikit nduk mbo paniyak mage o.

Ndawi 141:8 ပူးပေါင်းရင်းမြစ်များ

2 Mbinineegwaarak 20:12

Kat ninogoba Ala nogo lek a? It ineegin warak mondok alik negen aago ninoba kwi'nari unggwi woroorak eekwi yi, nit ninomaawi paga it eeppiyoorak meek me, kat nen aaninggin inoba kwippiyet o. Nit nen eeppiyoorak meek kenok, kat mban ninigen pekkeego o,” yinuk, tamban eereegerak.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 11:1

An nen Aliku ALA abu'me wonage me, Neebe op aret wonage neegak, Kit nen an yo'nogo logonet, “It aap maluk mendek nen Aap iniki koonak mendek inooriyak nduk, Ineegin agale wukwi, Inomaale ineegin agale paga luumbugwi, Namburogo nappuurak nduk o apit me ari unggwogwe, Eekwi ti, pegiyet o. Tiiru oolo yinik kinogo wumbugwi iinok, o miyak ari menggi kwak, eeriyak kenok, It aap iniki abe koonak mendek nogo nonggop arugun, mbaken? Meek me, towe wiganinuk puut paga ari nage menggi kwak, Kat kabuut paga time nak o,” yinuk, yo'nugwi ti, Nonggoti yo'nogo ogotik?

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yaya 14:18

Napurilogwe o! An elege wenebela negen mbo pinaganuk nagin lek o. Kiya woraagin aret o.