Ndawi 141:6 - Ala Wone Peenok Peebi Mbanak

^6-7 It aakumi nen aap inowak loongga nogo Yugum paga inanep yombak inoorogo piigwi iigak, It nen yogo logonet, “Nggween yigirik-noonom eerogo kabunggo mengga kwak, Nineebe kambunuk nogo menggam ambe paga time Ninowak nggininit naga o,” yinuk, yugun, yagarak nogo abet mban yegerak ineenu arugun o.

Ndawi 141:6 ပူးပေါင်းရင်းမြစ်များ

2 Tamuwen 23:1

At Ndawut wone irip paga yereegerak nogo yi o. “At Abu Tiyanak nen tiyappege, At Yakup ogoba Ala nen amburu eerogo mippege, Eereegerak an aap Itayi aput Ndawut yi, Iterali inenggela'me ndawi pit nage minggirak nogo nen ari logonet,

1 Mbinineegwaarak 12:38

It aap ti abok aret iniki mondok ambit eeppunuk, ineegin-inomaale li'luk aago logonet, it Iterali mendek abok aret inowe endagembogut Ndawut mippuwok nduk, o Keboron wogogwaarak. Ndi, it aakumi Iterali eegu nogo kunduk, inom iniki ambit eeppunuk, “Ninowe endagembogut Ndawut aret mippuwok o,” yinuk, yereegwaarak.

1 Mbinineegwaarak 13:2

it aakumi Iterali mendek abok aret yorage logonet, “At Aliku ninogoba Ala nen, Op aret eeriyak, mbake, ndi, kit kunduk, Op aret eeriyak, mbakwi, eekwi kiinok, nit ninoreewi o Iterali yi awi ndi awi paga eegu wonogwe nogo inom, ndi, it aap Ala unde eege, it Lewi mendek eege, it inom inawi kota-kota wonogwe, inaanggumi inagari'ngga mbanogo nenet nogo menggam wonogwe, eekwi nogo inom, niya woraawak nduk, yonggo nappiyamonggoorak kuwak ari wogwe iinok,

2 Mbinineegwaarak 25:12

It Yekura mendek ineegin warak ti nen ando ineebe sepuluh ribu ineenik ngge-ngge wogoren puut paga yigeebu me piya laganggo nogogwaarik, mbo wuppiinet wogo mbareegwa, ineebe nggarenak-pugunik wambit wogogwaarak.

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.