Ndawi 141:3 - Ala Wone Peenok Peebi Mbanak

³ Kaliku ALA wae. An nambe liirogon arum wonage, Nambe irip paga agan nege neyo, unde wake, Eeke logot o.

Ndawi 141:3 ပူးပေါင်းရင်းမြစ်များ

Ndawi 34:13

Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakwi,

Ndawi 39:1

An nen mbake logonet, “Noone agan nage paga maluk arukwak, Eeke minggirak nogo liippake, It maluk eeka nowagam wa'nuk wonogwe iigak, Tapi inambe keele maakwi kwak, An nambe arum wakkolage, Eerikit,” mbakirak kwe,

Ndawi 39:2

Noone yaga'lek puk wonage, Wone obeelom kunduk ambi yaga'lek wonage, Eeke logonet, Niniki andi nogo, abunuk nggwok lombok ee'nabit unggwage,

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Mika 7:5

Aap aput wulaga nen ogoba meek eerogo pege, Apuluk kolaga nen mi'nage logonet, agalo imbirak ogookkologwe, Enggelo nen enggelo imbirak ogookkologwe, Aap ambi inom wim mbanak ti, owe-awot aret wonogwe, Eerugun me, Kinom monggotak kiniki inoba panggombugwi, “Ninore aret o,” yinuk, it inoba panggonak wonogwe, Eeriyak mage o. Ndi, kwe ambi kinaawi paga windak aruk konengge kero, kinoone yogwe nogo liippogo logonip o.

Yakobut 1:26

Kit ambi nen, “An Ala wone liippunuk eeke agarik o,” yinuk, yogo monggotak kwe, kinambe liirogon arum wonaga'lek kinamili irip paga ugun agan nugwi kiinok, kit aret kinambokan laganggologwe, ndi, “An Ala wone liippunuk eeke agarik o,” yogo monggotak nogo ti, aanom warogo aret yogwe, eeko monggotak kiigi o.

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.