Ndawi 141:1 - Ala Wone Peenok Peebi Mbanak

¹ Kaliku ALA wae. Noone nggwok paga yokkege yi, konembunuk, Mbet-mbet aret yeenggwa niri wage, “Yeenggwa niru o,” yinuk, yokkege neenok, noone karuk konengge, Eeru o.

Ndawi 141:1 ပူးပေါင်းရင်းမြစ်များ

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ndawi 143:1

Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Ndawi 22:19

Togop me, Kaliku ALA wae. Kat perak, keebe ndaanda logogun o. Nomaawi eeppanega yi wae. Mbet-mbet yeenggwa niri omok o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 40:13

Togop me, Kaliku ALA wae. Kale'nggen nombake logonet, nagap ndariyak koongge, Kaliku ALA o. Mbet-mbet yeenggwa niri wage, Eeru o.

Ndawi 70:2

It aap an nooriyak eekwi nogo Inenggali ogwe, iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo kunduk, Inenggali a'nuk yungguninuk nogwe,

Ndawi 70:5

Ala yi wae. An nogo aap ineenggi lek kwak abu tebenak aret wonage me, Mbet-mbet neya mok o. Kaliku ALA wae. Kat nen yeenggwa nege, wondet eerogo panege, Eeke menggendak me, Mbo paninuk elaambirik logorak mage o.

Ndawi 71:12

Togop aret yogwe me, Ala wae. An mbo paninuk nda noorak ti mage o. Nogoba Ala wae. Kat mbet-mbet aret yeenggwa niri mok o.