Ndawi 140:6 - Ala Wone Peenok Peebi Mbanak

⁶ Kaliku ALA wae. An nen, “Kat nogoba Ala aret,” yinuk, yokkege agarik o. Kaliku ALA wae. “Yeenggwa niru o,” yinuk, nggino yokkege yi, karuk konenu o.

Ndawi 140:6 ပူးပေါင်းရင်းမြစ်များ

Ndawi 116:1

At Aliku ALA noone aruk konengge, Yeenggwa niruwak nduk yoge nogo liippanege, Eekerak me, Niniki kunik eeke agarik o.

Ndawi 119:57

Kaliku Ala wae. An namendek punik kwak ti, Kaliku ALA keebe aret. “Kat koone yugu ti mban eerit nage logokit o,” Yinuk, nggaruk togon koonogo pateegirak o.

Ndawi 130:2

Ala wae. Noone yokkege yi, karuk konengge, Yeenggwa nenok nduk nabuwa warak nggo-nggo logonet, Nggino yokkege yi, liippanege, Eeru o.

Ndawi 142:4

Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 142:5

Togop me, Kaliku ALA wae. An noone nggwok paga yokkege logonet, “Neebe op logorak noba'naka ti, kat keebe aret o. Ineenik wonogo menggam o yime neegak, Keyate wo'niru kwak kat keebe aret o,” yinuk, ari minggirak o.

Ndawi 143:1

Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 16:2

An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Ndawi 31:14

Togop aret kwe, Kaliku ALA wae. An perak, niniki koba panggombege, “An nogoba ti, Ala aret o,” yinuk, ari, Eeke agarik o.

Ndawi 57:7

Ala wae. An niniki abu nu'lek wonage, Niniki abu kwi'ndak lombok wonage, Eeke me, An ndawi tiyangge, kendage tiyappagage, Eerikit mbakirak me,

Ndawi 64:1

Ala wae. An eeppanege neebi mbake logonet, Wone yokkege yi, karuk konengge, Nawim nen noori wogwe iinok, Nagabiti lombok mbake me, narum wonage, Eeke logot o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Yeremiya 18:22

It aap ti, an pi'nabuwok nduk labu kabunogo panugwi, Niyok yilunnabuwok nduk, keele pit nugwi, Eekaarak me, Inawi oonda mbanogo inooruwak nduk yonggo nappiyamenggendak wa'nuk yirik-wurik inoba kwi'nogwe iinok, Iname nen inoone ya-kwa yogwe konenuwak nduk eeppiyet o.

Leendawi 3:24

An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.