4 Kaliku ALA wae. It maluk mendek ineenggime arukwak pippanogo wonage, Aap inanini mbaka nen yigeebu wuppaniyak kooneegwaarak nogo Eeppanugwi iyo, narum wonage, Eeke logot o.
Kat kiyok mugurok mban nage minggirak me, An niyok eraabin perak togon noolik o.
It aap iniki wogoppatit nugu menggaarak nen Iniyok aan lebenogo panugwi, It aap maluk eeka nen Ineenggi omaawi paga an mugogo wumbanugwi, Eeriyak mage o.
Kat aap pilit iyagalo aret me, Aakumi iniki wakkolaawak nduk Eeppiyoorak wone mban kinikilom mbake, Eeke menggendak pilit-pilit iyagalo yi, Wi!
Nogoba Ala wae. It maluk eeka ineenggime nen ndinogo wumbanege, Aap iniki maluk inogogumbuk ineenggime nen ndinnake, Eeru o.
Aap maluk mendek inom a'nuk, inaana'le mbanggwi, Ndi, aap maluk eeka'lek ugun wonogwe iigak, “Maluk eekotak o,” yinuk, yorogwe, Eekwi ti, maluk aret o.